October 17, 2022
October 17, 2022
ന്യൂസ്‌റൂം ബ്യുറോ
ദോഹ : ലോകകപ്പിനായി വിവിധ രാജ്യങ്ങളിൽ നിന്നുള്ള ഒന്നര മില്യണിലധികം സന്ദർശകർ ഖത്തറിൽ എത്തുന്ന സാഹചര്യത്തിൽ രാജ്യത്തെ താമസക്കാരുടെ സുരക്ഷയും സ്വകാര്യതയും ഉറപ്പുവരുത്താൻ കർശന നടപടികൾ സ്വീകരിക്കുന്നു.ഇതനുസരിച്ച് പ്രവാസികൾ കുടുംബമായി താമസിക്കുന്ന സ്ഥലങ്ങളിൽ ബാച്‌ലേഴ്‌സായി താമസിക്കുന്ന തൊഴിലാളികളെ ഒഴിപ്പിക്കുന്നതിനുള്ള നിലവിലെ നിയമം കർശനമാക്കാനാണ് തീരുമാനം.
ഇതനുസരിച്ച്,നജ്‌മ,മുഗളിന,ഫരീജ് ഗാനെം,ന്യൂ ദോഹ,ബിൻ ദുർഹം,ഫരീജ് ബിൻ അബ്ദുൽ അസീസ്,മുംതസ,മുറ,അൽ സദ്ദ് തുടങ്ങി കുടുംബങ്ങൾ താമസിക്കുന്ന വിവിധ മേഖലകളിൽ താമസിക്കുന്ന ബാച്‌ലേഴ്‌സ് തൊഴിലാളികളെ ഒഴിപ്പിക്കാനുള്ള നടപടികൾ തുടങ്ങിയിട്ടുണ്ട്.മുന്നറിയിപ്പ് നൽകിയിട്ടും തൊഴിലാളികളെ ഈ മേഖലകളിൽ താമസിപ്പിക്കുന്ന തൊഴിലുടമകളും കർശന നടപടികൾ നേരിടേണ്ടിവരും.
നിർദിഷ്ട മേഖലകളിൽ കുടുംബ ഫ്‌ളാറ്റുകളിലും വില്ലകളിലുമായി കുടുംബമില്ലാതെ ഒന്നിലധികം പേർ കൂട്ടമായി താമസിക്കുന്നതിനാണ് വിലക്കുള്ളത്. കുടുംബ പാർപ്പിട മേഖലകളിൽ തൊഴിലാളികൾ താമസിക്കുന്നതിന് നേരത്തെ തന്നെ വിലക്ക് നിലവിലുണ്ടെങ്കിലും പലരും നിയമം ലംഘിച്ചാണ് ഇത്തരം സ്ഥലങ്ങളിൽ താമസം തുടരുന്നത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക
