July 12, 2022
July 12, 2022
ദോഹ: റെസ്റ്റോറന്റുകളിൽ ഭക്ഷണത്തിന് ഹോം ഡെലിവറി ആവശ്യപ്പെടുമ്പോൾ ഉപഭോക്താക്കളിൽ നിന്ന് മിനിമം ഓർഡർ ആവശ്യപ്പെടരുതെന്ന് ഖത്തർ വാണിജ്യ-വ്യവസായ മന്ത്രാലയം മുന്നറിയിപ്പ് നൽകി.
ഈ നിബന്ധന വഴി ആവശ്യമില്ലാത്ത ഭക്ഷണം വാങ്ങാൻ ഉപഭോക്താക്കൾ നിർബന്ധിക്കപ്പെടുകയാണെന്നും കൂടുതൽ പണം ചിലവഴിക്കേണ്ടി വരുന്നതായും മന്ത്രാലയം ട്വീറ്റ് ചെയ്തു.
"മിനിമം ഓർഡർ ആവശ്യപ്പെടാൻ പാടില്ല. ഇത് നിയമവിരുദ്ധമാണ്. ആവശ്യമില്ലാത്ത ഭക്ഷണം ഓർഡർ ചെയ്യാനും കൂടുതൽ പണം ചിലവഴിക്കാനും ഇത് ഉപഭോക്താക്കളെ നിർബന്ധിപ്പിക്കുന്നു," മന്ത്രാലയം വ്യക്തമാക്കി.
ഇതുസംബന്ധമായി 2016 ൽ മന്ത്രാലയം എല്ലാ റെസ്റ്റോറന്റുകൾക്കും ഹോട്ടലുകൾക്കും കഫെകൾക്കും സർക്കുലർ നൽകിയിരുന്നതാണെന്നും മന്ത്രാലയം ഓർമിപ്പിച്ചു.
ഇതുസംബന്ധിച്ച് നിരവധി പരാതികൾ ഉയർന്നതിനെത്തുടർന്നാണ് മന്ത്രാലയത്തിന്റെ വിശദീകരണം.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക