April 17, 2023
April 17, 2023
ന്യൂസ്റൂം ബ്യൂറോ
ദോഹ: വിശുദ്ധ റമദാനില് കറന്സി വിനിമയം ഉയര്ന്നെന്ന് ഖത്തറിലെ എക്സ്ചേഞ്ച് ഹൗസിലെ ഉദ്യോഗസ്ഥര് അറിയിച്ചു. 200 എക്സ്ചേഞ്ച് ഹൗസുകളാണ് ഖത്തറില് പ്രവര്ത്തിക്കുന്നത്. ഇവ വഴി പണമയക്കുന്നവരുടെ എണ്ണം റമദാനില് ഉയര്ന്നെന്ന് അധികൃതര് വ്യക്തമാക്കി. റമദാന് മാസത്തിന്റെ തുടക്കത്തിലുള്ള കറന്സി വിനിമയത്തേക്കാള് 15 മുതല് 20 ശതമാനത്തിന്റെ വര്ദ്ധനവാണ് നിലവില് ഉണ്ടായിരിക്കുന്നതെന്നും അധികൃതര് വ്യക്തമാക്കി.
ഖത്തറിലെ ജനസംഖ്യയുടെ 85 ശതമാനവും പ്രവാസികളാണ്. സമീപകാല സ്ഥിതിവിവരക്കണക്കുകള് പ്രകാരം ഏകദേശം 3.04 ദശലക്ഷം വരും. ഇവരെല്ലാം വിശുദ്ധ റമദാനില് തങ്ങളുടെ ആശ്രതര്ക്ക് പണമയച്ചുകൊടുക്കുന്നതിന്റെ ഭാഗമായാണ് ഈ വര്ദ്ധനവെന്നും അധികൃതര് ചൂണ്ടിക്കാട്ടി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI