June 15, 2021
June 15, 2021
ദോഹ: ഖത്തറിലെ മുൻനിര കുടിവെള്ള കമ്പനിയായ സഫ വാട്ടറിന് ഭക്ഷ്യഗുണമേന്മക്കുള്ള ഖത്തർ ക്വാളിറ്റി മാർക്ക് സർട്ടിഫിക്കറ്റ് ലഭിച്ചു. ഈ അംഗീകാരം ലഭിക്കുന്ന രാജ്യത്തെ ആദ്യ കുടിവെള്ള ഉൽപാദക കമ്പനിയാണ് സഫ ഇൻറർനാഷനൽ. ഖത്തർ ജനറൽ ഓർഗനൈസേഷൻ ഫോർ സ്റ്റാൻഡേഡൈസേഷൻ ആൻഡ് മെട്രോളജി (ക്യു.ജി.ഒ.എസ്.എം) ചെയർമാൻ മുഹമ്മദ് അഷ്റഫ് സർട്ടിഫിക്കറ്റ് ഏറ്റുവാങ്ങി. ഒരു കമ്പനിയുടെ ഗുണനിലവാരവുമായി ബന്ധപ്പെട്ട ഉന്നത അംഗീകാരമാണ് ഖത്തർ ക്വാളിറ്റി മാർക്ക്. ഇതിലൂടെ ദേശീയ ഉൽപന്നങ്ങളുടെ മേഖല ആഗോളതലത്തിലെ ഗുണനിലവാരം വിലയിരുത്തുകയാണ് സർക്കാർ ചെയ്യുന്നത്. ഖത്തറിെൻറ ഗുണനിലാവര മാനദണ്ഡങ്ങൾ കൃത്യമായി പാലിക്കുകയും ഉന്നതനിലവാരം കാത്തുസൂക്ഷിക്കുകയും ചെയ്യുന്നതിനാലാണ് സഫ വാട്ടറിന് ഈ അംഗീകാരം നേടാനായത്. ഖത്തറിൽ എവിടെയും കൃത്യസമയത്തിനുള്ളിൽ ഉന്നത ഗുണനിലവാരമുള്ള ശുദ്ധമായ കുടിവെള്ളം എത്തിക്കുക എന്നതാണ് കമ്പനിയുടെ ലക്ഷ്യമെന്ന് ചെയർമാൻ മുഹമ്മദ് അഷ്റഫ് പറഞ്ഞു. ഉപഭോക്താക്കളുടെ തൃപ്തി കണക്കിലെടുത്തുകൊണ്ടാണ് പ്രവർത്തിക്കുന്നത്. ഗുനനിലവാരം കാത്തുസൂക്ഷിക്കുക എന്നതാണ് തങ്ങളുടെ നയവും മൂല്യവും. അതിനാലാണ് ബിസിനസ് വളരുന്നതും ഉപഭോക്താക്കളുടെ അംഗീകാരം ലഭ്യമാകുന്നതെന്നും അദ്ദേഹം പറഞ്ഞു.