February 23, 2023
February 23, 2023
ന്യൂസ്റൂം ബ്യുറോ
ദോഹ : ഖത്തറിലെ കുറ്റ്യാടിക്കാരുടെ കൂട്ടായ്മയായ ക്യൂ.കെ.എം.സി(QKMC) ഖത്തർ കുറ്റ്യാടി മഹല്ല് കമ്മിറ്റി ഖത്തർ ദേശീയ കായിക ദിനത്തോടനുബന്ധിച്ച് സംഘടിപ്പിക്കുന്ന സ്പോർട്സ് മീറ്റ്-2023ന് തുടക്കമായി. പരിപാടിയുടെ ഭാഗമായി ഭാഗമായി ബുധനാഴ്ച വൈകുന്നേരം ഓൾഡ് ഐഡിയൽ സ്കൂൾ ഗ്രൗണ്ടിൽ നടന്ന ക്രിക്കറ്റ് മത്സരത്തിൽ തുമാമ ടസ്കേഴ്സിനെ 24 റൺസിന് തോൽപ്പിച്ച് അൽ വക്ര വാരിയേഴ്സ് ജേതാക്കളായി.
ഫെബ്രുവരി 24 വെള്ളിയാഴ്ച് ഉച്ചക്ക് 1 മണിമുതൽ രാത്രി 9 മണി വരെ അൽ ജസീറ അക്കാദമിയിൽ വിവിധ കായിക വിനോദ പരിപാടികളും മത്സരങ്ങളും നടക്കുമെന്ന് പ്രസിഡന്റ് അഷ്കർ വാർത്താക്കുറിപ്പിൽ അറിയിച്ചു.QKMC അംഗങ്ങളായ കുറ്റ്യാടി നിവാസികളെ നാല് ടീമുകളാക്കി തിരിച്ച് വോളീബോൾ , ഫുട്ബോൾ , കമ്പവലി തുടങ്ങി വിവിധ കായിക മത്സരങ്ങൾ അരങ്ങേറും.ഇതിനുപുറമെ, സ്ത്രീകൾക്കും കുട്ടികൾക്കുമായി മറ്റു കലാ - കായിക മത്സരങ്ങൾ കൂടി ഉൾപെടുത്തിയിട്ടുണ്ട്.
കുറ്റ്യാടിയിലെയും സമീപ പ്രദേശങ്ങളിലെയും പ്രവാസികളുടെ ക്ഷേമം മുൻനിർത്തി 2012 ൽ രൂപീകൃതമായ QKMCയിൽ നിലവിൽ രണ്ടായിരത്തിലേറെ അംഗങ്ങളുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക