October 24, 2022
October 24, 2022
ന്യൂസ്റൂം ബ്യുറോ
ദോഹ : ഖത്തർ ലോകകപ്പിന് ഇനി 27 ദിവസങ്ങൾ മാത്രം അവശേഷിക്കെ,.ആദ്യമായി ഫിഫ ലോകകപ്പിൽ മത്സരിക്കുന്ന ഖത്തർ ടീമിന് പിന്തുണ അറിയിക്കാൻ രാജ്യത്തെ എല്ലാ വീടുകളിലും ദേശീയ പതാക ഉയർത്താൻ നിർദേശം.ഖത്തർ ഫുട്ബോൾ അസോസിയേഷനാണ് ഇക്കാര്യം ആവശ്യപ്പെട്ട് "അൽ-ബൈറാഖ് എബൗ ഓൾ ബി"എന്ന പേരിൽ പ്രത്യേക കാമ്പയിൻ നടത്തുന്നത്.
രാജ്യത്തെ മുഴുവൻ ജനങ്ങളും കാമ്പയിന്റെ ഭാഗമാകണമെന്നും ക്യൂ.എഫ്.എ സമൂഹമാധ്യമ അക്കൗണ്ടിൽ അഭ്യർത്ഥിച്ചു.സന്ദേശം ജനങ്ങളിൽ എത്തിക്കുന്നതിനായി തയാറാക്കിയ പ്രത്യേക വീഡിയോയും ഖത്തർ ഫുട്ബോൾ അസോസിയേഷൻ സമൂഹമാധ്യമങ്ങളിൽ പങ്കുവെച്ചിട്ടുണ്ട്.ഗ്രൂപ് എയിൽ ഉൽഘാടന മത്സരത്തിൽ ഇക്വഡോറുമായി നവംബർ 20 നാണ് ഖത്തറിന്റെ ആദ്യമത്സരം.നെതർലാൻഡ്സ്, സെനഗൽ എന്നിവയാണ് ഖത്തറിനൊപ്പം ഗ്രൂപ് എയിലുള്ള മറ്റു ടീമുകൾ.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക