April 14, 2023
April 14, 2023
ന്യൂസ്റൂം ബ്യുറോ
ദോഹ : സുപ്രീം കമ്മിറ്റി ഓഫ് ഡെലിവറി ആൻഡ് ലെഗസി സംഘടിപ്പിക്കുന്ന ഖത്തർ കമ്മ്യൂണിറ്റി റമദാൻ ഫുട്ബോൾ ടൂർണമെന്റിൽ ചരിത്രത്തിൽ ആദ്യമായി ഒരു ഇന്ത്യൻ ഫുട്ബോൾ ക്ലബ് മെഗാ ഫൈനലിന് യോഗ്യത നേടി .ഖത്തറിലെ മുൻനിര എക്സ്ചേഞ്ച് കമ്പനിയായ സിറ്റി എക്സ്ചേഞ്ചിന്റെ കീഴിലുള്ള സിറ്റി എക്സ്ചേഞ്ച് എഫ്സി ആണ് സ്വപ്നതുല്യമായ നേട്ടം കൈവരിച്ചത്.
രണ്ടാഴ്ചയോളം നീണ്ടുനിന്ന ലീഗ്-നോക്ക്ഔട്ട് മത്സരങ്ങളിൽ ഇംഗ്ലണ്ട് ,ടുണീഷ്യ ,അൾജീരിയ എന്നീ രാജ്യങ്ങളെ പ്രതിനിധീകരിച്ചു മത്സരിച്ച EVOYOUTH FC ,AUGWAY FC ,CALCIO FC എന്നിവരെ പരാജയപ്പെടുത്തിയതിന് പിന്നാലെ സെമിയിൽ ശക്തരായ ഉഗാണ്ടൻ കമ്മ്യൂണിറ്റി ടീം QATAR CRANES FC യെ മൂന്നിനെതിരെ നാല് ഗോളുകൾക്ക് അടിയറവു പറയിച്ചാണ് സിറ്റി എക്സ്ചേഞ്ച് എഫ്സി ഫൈനലിലേക്ക് യോഗ്യത നേടിയത് .
ഏപ്രിൽ 14 ന് വെള്ളിയാഴ്ച(ഇന്ന്) രാത്രി 9 മണിക്ക് ദോഹ കോളേജ് ഗ്രൗണ്ടിൽ നടക്കുന്ന കലാശപോരാട്ടത്തിൽ കരുത്തരായ ഖത്തർ ഫുട്ബോൾ യുണൈറ്റഡ് എഫ്സി ആണ് സിറ്റി എക്സ്ചേഞ്ച് എഫ്സിയുടെ എതിരാളികൾ.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI