July 11, 2023
July 11, 2023
ന്യൂസ്‌റൂം ബ്യുറോ
ദോഹ: ഊർജ മേഖലയിൽ ദുബായ് ആസ്ഥാനമായ ഇനോക് ഗ്രൂപ്പുമായി ഖത്തര്‍ എനര്‍ജി സഹകരണ കരാറിൽ ഒപ്പുവെച്ചു.. 10 വര്‍ഷത്തെ കരാര്‍പ്രകാരം 12 കോടി ബാരല്‍ പെട്രോളിയം കണ്ടൻസേറ്റുകള്‍ ഇനോകിന് വിതരണം ചെയ്യുമെന്നാണ് ധാരണ.
ഖത്തറും യു.എ.ഇയും നയതന്ത്രബന്ധം പുനഃസ്ഥാപിച്ചതിനു പിന്നാലെയാണ് വ്യാപാര കരാര്‍ നിലവില്‍വന്നത്. കരാര്‍പ്രകാരം ജൂലൈ മാസം മുതല്‍ കണ്ടന്‍സേറ്റുകളുടെ വിതരണം ആരംഭിക്കും.
വരുംകാലങ്ങളില്‍ കണ്ടന്‍സേറ്റുകളുടെ അളവ് വര്‍ധിപ്പിക്കാനുള്ള വ്യവസ്ഥയും കരാറിലുണ്ട്. ഖത്തറിന്റെ നോര്‍ത്ത് ഫീല്‍ഡ് ഈസ്റ്റ്, നോര്‍ത്ത് ഫീല്‍ഡ് സൗത്ത് എണ്ണപ്പാട വിപുലീകരണ പദ്ധതികള്‍ പൂര്‍ത്തിയാകുന്നതോടെ കൂടുതല്‍ സാന്ദ്രത കുറഞ്ഞ പ്രകൃതിവാതക ഉല്‍പന്നങ്ങള്‍ ഇവിടെനിന്ന് കയറ്റുമതി ചെയ്യാനാകുമെന്നാണ് പ്രതീക്ഷ.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH
