November 27, 2022
November 27, 2022
ന്യൂസ്റൂം സ്പോർട്സ് ഡെസ്ക്
ദോഹ : ഖത്തർ ലോകകപ്പിൽ ഇന്ന് വൈകീട്ട് നടന്ന മൂന്നാമത്തെ മത്സരത്തിൽ കാനഡയ്ക്കെതിരെ ക്രൊയേഷ്യക്ക് മിന്നും ജയം.ഒന്നിനെതിരെ നാല് ഗോളുകൾക്കാണ് ക്രൊയേഷ്യ കാനഡയെ നിലംപരിശാക്കിയത്.
കളി തുടങ്ങി മിനുറ്റുകൾക്കകം അൽഫോൻസോ ഡേവിസ് ആദ്യ ഗോളടിച്ച് ക്രൊയേഷ്യയെ ഞെട്ടിച്ചെങ്കിലും ആന്ദ്രേ കാമ്രിച് 36 ആം മിനുട്ടിൽ ഗോൾവല കുലുക്കി കാനഡയുടെ മുന്നേറ്റത്തെ തടയുകയായിരുന്നു.എട്ടു മിനുട്ടിനു ശേഷം മാർകോ ലിവായ കൂടി കാനഡയുടെ ഗോൾവലയിലേക്ക് ഇരച്ചുകയറിയതോടെ ക്രൊയേഷ്യയുടെ വിജയം ഉറപ്പാവുകയായിരുന്നു.എഴുപതാം മിനുട്ടിൽ ആന്ദ്രേ കാമ്രിച് തന്നെ വീണ്ടും കാനഡയ്ക്ക് പ്രഹരമേൽപിച്ചു.ഇഞ്ചുറി ടൈമിൽ ലോവറോ മേയർ സ്കോർ ചെയ്തതോടെ കാനഡയുടെ പതനം പൂർത്തിയായി.
ഇതോടെ ക്രൊയേഷ്യയും മൊറോക്കോയും നാലു പോയിന്റുകൾ വീതം നേടിയെങ്കിലും ഗ്രൂപ്പിൽ ക്രൊയേഷ്യ ഒന്നാമതെത്തി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക