September 24, 2022
September 24, 2022
ന്യൂസ്‌റൂം ബ്യുറോ
ദോഹ: ലോകകപ്പ് മത്സരങ്ങൾക്കായി ടിക്കറ്റ് സ്വന്തമാക്കിയവർക്ക് ടിക്കറ്റ് മറ്റൊരാളുടെ പേരിലേക്ക് മാ റ്റാനുള്ള മൊബൈൽ ആപ്ലിക്കേഷൻ അടുത്ത മാസം ആദ്യം പുറത്തിറക്കും.അൽ-കാസ് ചാനലിലെ മജ്‌ലിസ് പരിപാടിക്കിടെ, ലോകകപ്പ് ടിക്കറ്റുകൾ എങ്ങനെ കൈമാറ്റം ചെയ്യാമെന്നത് സംബന്ധിച്ചുള്ള ചോദ്യത്തിന് മറുപടിയായി സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയിലെ ഹയ്യ ഡിജിറ്റൽ പ്ലാറ്റ്‌ഫോം എക്‌സിക്യൂട്ടീവ് ഡയറക്ടർ സയീദ് അലി അൽ-കുവാരിയാണ് ഇക്കാര്യം പറഞ്ഞത്. കുടുംബത്തിനോ സുഹൃത്തുക്കൾക്കോ വേണ്ടി വാങ്ങിയ ടിക്കറ്റുകൾ പിന്നീട് മറ്റൊരാളുടെ പേരിലേക്ക് മാറ്റാൻ മൊബൈൽ ആപ്ലിക്കേഷൻ വഴി സാധിക്കും.
കഴിഞ്ഞ അറബ് കപ്പ് ടിക്കറ്റിന്റെ കൈമാറ്റങ്ങൾക്കുപയോഗിച്ച അതേ സംവിധാനം തന്നെയായിരിക്കും ഇതിന് ഉപയോഗിക്കുകയെന്നും അദ്ദേഹം കൂട്ടിച്ചേർത്തു.
ലോകകപ്പ് മത്സരങ്ങൾക്കുള്ള എല്ലാ ടിക്കറ്റുകളും ഇത്തരത്തിൽ കൈമാറ്റം ചെയ്യാമെന്നും അതിനാൽ ഒരു വ്യക്തിക്ക് ടിക്കറ്റുകൾ വാങ്ങിയ അക്കൗണ്ടിന്റെ ലോഗിൻ ഡാറ്റ ഉപയോഗിച്ച് പുതിയ ആപ്ലിക്കേഷനിൽ പ്രവേശിക്കാമെന്നും അൽ-കുവാരി വ്യക്തമാക്കി.
ഹയ്യ രജിസ്ട്രേഷന് ശേഷം, വാങ്ങിയ എല്ലാ ടിക്കറ്റുകളും പുതിയ ആപ്ലിക്കേഷനിൽ കാണാനാവുമെന്നും ടിക്കറ്റ് ഉടമയുടെ പേര് എളുപ്പത്തിൽ മാറ്റാൻ കഴിയുമെന്നും അദ്ദേഹം കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
