March 14, 2023
March 14, 2023
ന്യൂസ്റൂം ബ്യൂറോ
ദോഹ: സ്കൂള് ബസില് കുട്ടികള് കുടുങ്ങുന്ന സഹാചര്യം ഒഴുവാക്കാനുള്ള കണ്ടുപിടുത്തവുമായി ഖത്തറിലെ രണ്ടു വിദ്യാര്ത്ഥികള്. അല് ആന്ഡലസ് പ്രൈമറി ഗേള്സ് സ്കൂളിലെ റാണയും മഹായും ചേര്ന്നാണ് സ്കൂള് ബസില് പ്രവേശിക്കുകയും പുറത്തിറങ്ങുകയും ചെയ്യുന്ന വിദ്യാര്ത്ഥികളുടെ എണ്ണം കാണിക്കുന്ന ഉപകരണം കണ്ടെുപിടിച്ചത്. ഈ ഉപകരണത്തിന്റെ സഹായത്തോടെ ഏതു സമയത്തും ബസിനുള്ളിലെ ആളുകളുടെ കൃത്യമായ എണ്ണം മനസ്സിലാക്കാന് സാധിക്കും.
കഴിഞ്ഞ വര്ഷം സ്കൂള് ബസില് കുടുങ്ങി മലയാളി ദമ്പതികളുടെ നാലുവയസ്സുള്ള കുട്ടി മരിച്ചിരുന്നു. ഇത്തരം സംഭവങ്ങള് തടയുന്നതിനെക്കുറിച്ചുള്ള ചിന്തയാണ് റാണയുടെയും മഹായുടെയും കണ്ടുപിടുത്തതിന് പിന്നില്.