March 22, 2023
March 22, 2023
ന്യൂസ്‌റൂം ബ്യുറോ
ദോഹ: രാജ്യത്ത് അടിക്കടിയുണ്ടാകുന്ന വിലക്കയറ്റം നിയന്ത്രിക്കാൻ കൂടുതൽ ശക്തമായ നടപടികൾ സ്വീകരിക്കണമെന്ന് ഖത്തർ ശുറാ കൌൺസിൽ ആവശ്യപ്പെട്ടു.ചൊവ്വാഴ്ച ചേർന്ന പ്രതിവാര യോഗത്തിലാണ് അംഗങ്ങൾ ഇക്കാര്യം ആവശ്യപ്പെട്ടത്.വിലക്കയറ്റം നിയന്ത്രിക്കാൻ സർക്കാർ സ്വീകരിച്ചുവരുന്ന നടപടികളെ പ്രശംസിച്ച ശുറാ കൌൺസിൽ വർധിച്ചുവരുന്ന ജീവിതച്ചെലവുകൾ പൗരന്മാരിലുണ്ടാക്കുന്ന ആശങ്ക പരിഹരിക്കാനാവശ്യമായ പ്രായോഗികമായ നിർദേശങ്ങളും മുന്നോട്ടുവെച്ചു.
സാധനങ്ങളുടെ വിലകൾ തുടർച്ചയായി നിരീക്ഷിക്കുക, വിപണിയിൽ മത്സരം പ്രോത്സാഹിപ്പിച്ച് കുത്തക അവസാനിപ്പിക്കുക, രാജ്യത്ത് നിർമിക്കുന്ന ഉത്പന്നങ്ങൾക്ക് കൂടുതൽ പ്രാധാന്യം നൽകുക , ഉപഭോഗം കുറക്കാൻ ആളുകൾക്കിടയിൽ ബോധവൽക്കരണം നടത്തുക എന്നിവയാണ് ശുറാ കൌൺസിൽ മുന്നോട്ടുവെച്ച ചില നിർദേശങ്ങൾ.
രാജ്യത്ത് വിപണന കേന്ദ്രങ്ങൾ വർധിപ്പിക്കണമെന്നും കെട്ടിട വാടക കുറയ്ക്കണമെന്നും ഉൽപ്പാദന ചെലവ് കുറയ്ക്കണമെന്നും കൌൺസിൽ നിർദേശിച്ചു. വിലക്കയറ്റം സംബന്ധിച്ച ഇക്കണോമിക് ആൻഡ് ഫിനാൻഷ്യൽ അഫ്ഫയെർസ് കമ്മിറ്റി സമർപ്പിച്ച റിപ്പോർട്ട് കൌൺസിൽ പരിശോധിച്ചു..
വിലക്കയറ്റം എല്ലാ മേഖലകളെയും ബാധിച്ചിട്ടുണ്ടെന്നും എന്നാൽ ചില അടിസ്ഥാന മേഖലകളിൽ ഇത് കൂടുതൽ'രൂക്ഷമാണെന്നും യോഗം വിലയിരുത്തി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcB
