January 18, 2023
January 18, 2023
റോയിട്ടേഴ്സ്
ദാവോസ്, സ്വിറ്റ്സർലൻഡ്): അഫ്ഗാനിസ്ഥാനിലെ താലിബാൻ ഭരണകൂടത്തിന്റെ സമീപകാല നടപടികൾ "വളരെ നിരാശാജനകമാണെങ്കിലും മാറ്റം കൈവരിക്കാനുള്ള ഏക മാർഗമെന്ന നിലയിൽ അവരുമായുള്ള ഇടപെടൽ തുടരുമെന്ന് ഖത്തർ വിദേശകാര്യ മന്ത്രിയും ഉപ പ്രധാനമന്ത്രിയുമായ ശൈഖ് മുഹമ്മദ് ബിൻ അബ്ദുൽറഹിമാൻ അൽതാനി പറഞ്ഞു.ദാവോസിൽ ലോക സാമ്പത്തിക ഫോറത്തിൽ സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്.
കാണ്ഡഹാറിലെ താലിബാൻ ഉദ്യോഗസ്ഥരുമായി ചർച്ച നടത്താൻ ദോഹ മറ്റ് മുസ്ലീം രാജ്യങ്ങളുമായും കൂടിയാലോചന നടത്തുന്നുണ്ടെന്നും ഇത് എളുപ്പമുള്ള ജോലിയല്ലെങ്കിലും ശ്രമം തുടരേണ്ടത് പ്രധാനമാണെന്നും അദ്ദേഹം കൂട്ടിച്ചേർത്തു.
2021 ഓഗസ്റ്റിൽ അഫ്ഗാനിസ്ഥാനിൽ അധികാരം പിടിച്ചെടുത്ത ഇസ്ലാമിസ്റ്റ് താലിബാൻ ഭരണകൂടം,സർവകലാശാലകളിലും ഹൈസ്കൂളിലും പഠിക്കുന്നതിന് പെൺകുട്ടികൾക്ക് നിരോധനം ഏർപ്പെടുത്തിയതിനെ ഖത്തർ ശക്തമായി എതിർത്തിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക