April 02, 2023
April 02, 2023
അൻവർ പാലേരി
ദോഹ : വിശുദ്ധ റമദാൻ ആദ്യ പത്ത് പിന്നിട്ടതോടെ ഖത്തറിൽ വിവിധ സംഘടനകളും പ്രാദേശിക കൂട്ടായ്മകളും സംഘടിപ്പിക്കുന്ന നോമ്പ് തുറകളും സജീവമായി.സ്നേഹത്തിന്റെയും സഹനത്തിന്റെയും ആത്മീയ നിറവിനൊപ്പം മതത്തിന്റെയോ രാഷ്ട്രീയ വേർതിരിവുകളുടെയോ വേലിക്കെട്ടുകളില്ലാത്ത പാരസ്പര്യത്തിന്റെയും സാഹോദര്യത്തിന്റെയും പങ്കുവെക്കൽ കൂടിയാണ് ഇത്തരം സമൂഹ നോമ്പുതുറകൾ.ഖത്തർ സംസ്കൃതി കഴിഞ്ഞ ദിവസം ദോഹയിൽ സംഘടിപ്പിച്ച സമൂഹ നോമ്പുതുറ ഇതിനുള്ള നല്ല ഉദാഹരണമായി.
റമദാന്റെ സന്ദേശം ഉയർത്തിപ്പിടിക്കുന്ന തരത്തിൽ വിവിധ തുറകളിൽ പെട്ട 1800-ലധികം ആളുകൾ പരിപാടിയിൽ പങ്കെടുത്തു.പോഡാർ പേൾ സ്കൂളിൽ നടന്ന പരിപാടിയിൽ സംസ്കൃതി അംഗങ്ങളും കുടുംബാംഗങ്ങളും ഒത്തുചേർന്നത് വേറിട്ട അനുഭവമായി.സംസ്കൃതി ജനറൽ സെക്രട്ടറി ജലീൽ കാവിൽ, പ്രസിഡൻ്റ് അഹമ്മദ് കുട്ടി, ഇഫ്താർ പരിപാടിയുടെ പ്രോഗ്രാം കമ്മറ്റി കൺവീനർ ഷംസീർ അരിക്കുളം, സംസ്കൃതി ഭാരവാഹികൾ, മറ്റു നേതാക്കൾ, കേന്ദ്ര കമ്മറ്റി അംഗങ്ങൾ, വിവിധ യൂണിറ്റ് ഭാരവാഹികൾ തുടങ്ങിയവർ നേതൃത്വം നൽകി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI