December 18, 2022
December 18, 2022
ഖത്തർ ന്യൂസ് ഏജൻസി
ദോഹ : ദേശീയ ദിനാചരണത്തോടനുബന്ധിച്ച് തെരഞ്ഞെടുക്കപ്പെടുന്ന തടവുകാരെ ഇളവ് നൽകി മോചിപ്പിക്കാൻ ഖത്തർ അമീർ ശൈഖ് തമീം ബിൻ ഹമദ് അൽതാനി ഉത്തരവിട്ടു. ഗുരുതരമായ കുറ്റകൃത്യങ്ങളിൽ ഏർപ്പെടാത്ത തടവുകാരെയാണ് ഇളവ് നൽകി വിട്ടയക്കുക.എന്നാൽ എത്ര തടവുകാർക്കാണ് മോചനം നൽകുക എന്നത് ഉൾപ്പെടെയുള്ള വിവരങ്ങൾ ലഭ്യമല്ല.തെരഞ്ഞെടുക്കപ്പെടുന്ന തടവുകാരുടെ വിവരങ്ങൾ പിന്നീട് അതാത് അംബാസികൾക്ക് കൈമാറുകയാണ് ചെയ്യുക.
അതേസമയം,ദേശീയ ദിനാചരണത്തിന്റെ ഭാഗമായി ഇന്ന് രാവിലെ ലുസൈൽ പാലസിന്റെ പുറം വേദിയിൽ നടന്ന പരമ്പരാഗത അർദ നൃത്തത്തിൽ അമീർ പങ്കെടുത്തു. .പിതാവ് അമീർ ശൈഖ് ഹമദ് ബിൻ ഖലീഫ അൽതാനി, ശൈഖ് ജാസിം ബിൻ ഹമദ് അൽതാനി, അമീറിന്റെ വ്യക്തിഗത പ്രതിനിധി ശൈഖ് അബ്ദുല്ല ബിൻ ഖലീഫ അൽതാനി, ശൈഖ് മുഹമ്മദ് ബിൻ ഖലീഫ അൽതാനി, തുടങ്ങി നിരവധി പ്രമുഖരും വിശിഷ്ട വ്യക്തിത്വങ്ങളും നയതന്ത്ര പ്രതിനിധികളും ചടങ്ങിൽ സന്നിഹിതരായിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക