October 09, 2022
October 09, 2022
ന്യൂസ്റൂം ബ്യുറോ
ദോഹ ഖത്തറിൽ താമസ വിസയുള്ള വിദേശികൾക്കും ഖത്തർ മ്യുസിയത്തിന് കീഴിലെ വിവിധ സ്ഥാപനങ്ങളിൽ പ്രവേശിക്കുന്നതിന് ഫീസ് ഏർപെടുത്തി.2022 ഡിസംബർ 31 വരെയുള്ള പ്രവേശനത്തിനാണ് പ്രത്യേക ടിക്കറ്റ് ആവശ്യമായി വരിക.ലോകകപ്പിനായി വരുന്ന സന്ദർശകരെ കൂടി കണക്കിലെടുത്ത് തിരക്ക് നിയന്ത്രിക്കാനായാണ് പുതിയ തീരുമാനമെന്നാണ് സൂചന.
ഇതനുസരിച്ച്, ഖത്തർ ദേശീയ മ്യൂസിയം, 3-2-1 ഖത്തർ ഒളിംപിക് ആൻഡ് സ്പോർട്സ് മ്യൂസിയം, മ്യൂസിയം ഓഫ് ഇസ്ലാമിക് ആർട് എന്നിവിടങ്ങളിലെ പ്രവേശനത്തിന് മുതിർന്ന ഒരാൾക്ക് 100 റിയാൽ വീതം ഫീസ് നൽകണം. മത്താഫ്-അറബ് മ്യൂസിയം ഓഫ് മോഡേൺ ആർട്ടിൽ പ്രവേശിക്കാൻ ഒരാൾക്ക് 50 റിയാലും അൽ സുബാറ ഫോർട്ടിൽ പ്രവേശിക്കാൻ 35 റിയാലുമായിരിക്കും നിരക്ക്.
ഗാലറികളിലെ പ്രദർശനങ്ങളിലേക്കുള്ള പ്രവേശനം ഉൾപ്പെടെയാണ് ഫീസ് ഈടാക്കുന്നത്. അടുത്ത വർഷത്തെ സന്ദർശനത്തിനുള്ള ടിക്കറ്റ് ബുക്കിങ് 2023 ജനുവരി 1 മുതൽ ആരംഭിക്കും.ടിക്കറ്റുകൾ വാങ്ങാനും കൂടുതൽ വിവരങ്ങൾക്കും https://qm.org.qa/tickets/select-tickets/ എന്ന ലിങ്ക് സന്ദർശിക്കാം.
അതേസമയം എല്ലായിടങ്ങളിലും 16 വയസ്സിൽ താഴെയുള്ള കുട്ടികൾക്കും ഖത്തർ ക്രിയേറ്റ്സിന്റെ വൺ പാസ് ഉടമകൾക്കും പ്രവേശനം സൗജന്യമാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക