September 30, 2023
September 30, 2023
ദോഹ: ഇന്ത്യന്‍ മൈനകളും കാക്കകളും ഗൾഫിൽ മാധ്യമ വാർത്തകളിൽ ഇടം പിടിക്കാൻ തുടങ്ങിയത് ഈയിടെയാണ്ത്.മനുഷ്യരെ പോലെ തന്നെ വിവിധ രാജ്യങ്ങളിൽ കുടിയേറ്റക്കാരായി എത്തുന്ന പക്ഷികൾ ആ രാജ്യങ്ങളിലെ മറ്റു പക്ഷികൾക്കും പരിസ്ഥിതിക്കും ഭീഷണയാകുമ്പോഴാണ് ഇവയെ നിയന്ത്രിക്കാൻ അധികൃതർ നടപടി എടുക്കാറുള്ളത്.
നിലവിൽ ഖത്തറിലുള്ള ഇന്ത്യൻ മൈനകൾ ആവാസ വ്യവസ്ഥയുടെ സന്തുലനം തെറ്റിക്കുന്നതായും ആക്രമണ സ്വഭാവമുള്ള മൈനകള്‍ മറ്റു പക്ഷികള്‍ക്ക് ഭീഷണിയാണെന്നുമാണ് ഖത്തര്‍ അനിമല്‍ വൈല്‍ഡ് ലൈഫ് വിഭാഗം അറിയിച്ചിരിക്കുന്നത്.
ഖത്തറിലേക്ക് കുടിയേറി വന്ന പക്ഷികളാണ് ഇന്ത്യന്‍ ക്രോ എന്നറിയപ്പെടുന്ന മൈനകള്‍. ഖത്തറില്‍ മൈനകളുടെ എണ്ണം ഗണ്യമായി കൂടിക്കൊണ്ടിരിക്കുകയാണ്. പൊതുവെ മനുഷ്യര്‍ക്ക് പ്രയാസമൊന്നും ഉണ്ടാക്കില്ലെങ്കിലും മറ്റുപക്ഷികളെ അപേക്ഷിച്ച് ഇവ ആക്രമണകാരികളാണ്. ഇത് ഖത്തറിലെ ആവാസവ്യവസ്ഥയുടെ സന്തുലനത്തെ കാര്യമായി ബാധിക്കുന്നുണ്ട്. വളര്‍ത്തുപക്ഷിയായാണ് മൈന ഖത്തറില്‍ എത്തിയതെന്നാണ് കരുതുന്നത്. മൈനകളുടെ എണ്ണം കൂടുന്നത് തടയാനുള്ള നടപടികള്‍ പരിസ്ഥിതി മന്ത്രാലയം സ്വീകരിക്കുന്നുണ്ട്. അല്ലാത്ത പക്ഷം മറ്റുപക്ഷികളുടെ നിലനില്‍പ്പിനെ സാരമായി ബാധിക്കുമെന്ന് അനിമല്‍ വൈല്‍ഡ് ലൈഫ് ഡെവലപ്മെന്റ് ഡിപാര്‍ട്മെന്റ് തലവന്‍ അലി സലാഹ് അല്‍മര്‍റി പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
