October 09, 2023
October 09, 2023
ദോഹ : ഖത്തറിൽ യാത്രാ-ടൂർ പാക്കേജുകൾ കണ്ടെത്താനും യാത്രാ എളുപ്പമാക്കാനും വഴിയൊരുക്കുന്ന mytrips.travel വെബ്‌സൈറ്റിന് ദോഹയിൽ തുടക്കമായി.ഖത്തറിലെ പ്രശസ്തമായ അൽ ജാബർ ഗ്രൂപ്പും കുവൈത്തിലെ അൽ റാഷിദ് ഇന്റർനാഷണൽ ഗ്രൂപ്പും സംയുക്തമായാണ് പദ്ധതിക്ക് തുടക്കമിട്ടത്.
ഖത്തറിലുള്ളവർക്ക് വിവിധ ആവശ്യങ്ങൾക്കുള്ള യാത്രാ ലക്ഷ്യസ്ഥാനങ്ങൾ കണ്ടെത്തുന്നതിനും അനുയോജ്യമായ ടൂർ പാക്കേജുകൾ തിരഞ്ഞെടുക്കാനും വെബ്‌സൈറ്റ് വഴി കഴിയുമെന്ന് കമ്പനി പ്രതിനിധികൾ വാർത്താ സമ്മേളനത്തിൽ അറിയിച്ചു.അനുജോജ്യമായ യാത്രാ ആവശ്യങ്ങൾ കണ്ടെത്തുന്നതിനൊപ്പം കൃത്യവും തടസ്സമില്ലാത്തതുമായ സേവനങ്ങളും കമ്പനി ഉറപ്പ് നൽകുന്നതായി പ്രതിനിധികൾ വാർത്താ സമ്മേളനത്തിൽ അറിയിച്ചു.യാത്രക്കാർക്കാവശ്യമായ വിസാ സേവനങ്ങളും മൈ ട്രിപ്‌സ് ഡോട്കോം ഉറപ്പ് നൽകുന്നുണ്ട്.
യാത്രാമാറ്റങ്ങൾ,റദ്ദാക്കലുകൾ,പണം തിരികെ ലഭിക്കൽ എന്നിവയ്ക്ക് സുതാര്യവും കാര്യക്ഷമവുമായ സേവനങ്ങളും സംവിധാനങ്ങളും ഒരുക്കിയിട്ടുണ്ടെന്നും കമ്പനി പ്രതിനിധികൾ വാർത്താ സമ്മേളനത്തിൽ വ്യക്തമാക്കി.ആഗോള ട്രാവൽ മാനേജ്‌മെന്റ് കമ്പനികളിലൊന്നായ എ.ടി.ജി,ആഡംബര ക്രൂയിസ് ബ്രാൻഡായ ക്രൂയിസ് ഗുരു,അൽ ജാബിർ ഗ്രൂപ്പിന് കീഴിലെ ഹോട്ടൽ ബ്രാൻഡായ സെഞ്ച്വറി എന്നിവയുമായി ചേർന്നാണ് ഉപഭോക്താക്കൾക്കായി വ്യത്യസ്ത രീതിയിലുള്ള യാത്രാ സൗകര്യങ്ങൾ ഒരുക്കുന്നത്.
തിങ്കളാഴ്ച രാവിലെ ലുസൈൽ സെഞ്ച്വറി മറീന ഹോട്ടലിൽ ചേർന്ന വാർത്താസമ്മേളനത്തിൽ അൽ ജാബർ ഗ്രൂപ്പ് ചെയർമാൻ മുഹമ്മദ് സുൽത്താൻ അൽ ജാബർ,അൽ റാഷിദ് ഇന്റർനാഷണൽ ഗ്രൂപ്പ് സി.ഇ.ഒ രവി വാര്യർ,സി.എഫ്.ഒ പ്രദീപ് മേനോൻ,അൽ ജാബർ ഗ്രൂപ് ഡയറക്റ്ററും സെഞ്ച്വറി ഹോട്ടൽസ് സാലാഹ് ഖതീബ് ക്ലസ്റ്റർ ജനറലുമായ അഹമ്മദ് ജാബർ,അൽ ജാബർ ടൂർസ് ജനറൽ മാനേജർ ദിലീപ് നായർ എന്നിവർ പങ്കെടുത്തു.
വെബ്‌സൈറ്റ് ലിങ്ക് : mytrips.travel
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
