January 09, 2023
January 09, 2023
അൻവർ പാലേരി
ദോഹ : ദീർഘകാലം ഖത്തറിൽ പ്രവാസിയായിരുന്ന ചാവക്കാട് കടപ്പുറം കള്ളാംമ്പി പടിയിൽ താമസിക്കുന്ന ചാലിൽ ഫഹദ്(33)നാട്ടിൽ നിര്യാതനായി. ഇൻകാസ് യൂത്ത് വിങ് പ്രഥമ പ്രസിഡന്റായിരുന്ന ഫഹദ് ഖത്തറിലെ,ജീവകാരുണ്യ പ്രവർത്തനങ്ങളിൽ സജീവ സാന്നിധ്യമായിരുന്നു.ഹമദ് മെഡിക്കൽ കോർപറേഷനിൽ ജീവനക്കാരനായിരുന്ന ഫഹദ് മൂന്ന് വർഷം മുമ്പാണ് നാട്ടിലേക്ക് മടങ്ങിയത്.
ഞായറാഴ്ച എടക്കഴിയൂർ പള്ളിയിലെ നേർച്ചക്കിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് പള്ളിയിലേക്ക് കയറിയെങ്കിലും കുഴഞ്ഞുവീഴുകയായിരുന്നു.തിങ്കളാഴ്ച വെളുപ്പിന് ആശുപത്രിയിലായിരുന്നു അന്ത്യം.
മാതാവ് അഞ്ചങ്ങാടി പുതുവീട്ടിൽ സൗദ . ഭാര്യ ജിസ്മിയ . മകൾ ഫിൽസ.സഹോദരങ്ങൾ ഫബിത,ഫർഹ,ഫാരിസ.ഖബറടക്കം പിന്നീട് നടക്കും.
ഫഹദിന്റെ നിര്യാണത്തിൽ ഖത്തർ ഇൻകാസ് അനുശോചനം അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക.