March 27, 2023
March 27, 2023
ന്യൂസ്‌റൂം ബ്യൂറോ
ദോഹ: ഒഴിപ്പിച്ച ഔട്ട്‌പോസ്റ്റുകളില്‍ പുനരധിവാസം അനുവദിക്കുന്ന ഇസ്രായേല്‍ നിയമത്തെ അപലപിച്ച് ഖത്തര്‍. അന്താരാഷ്ട്ര നിയമങ്ങളും ഐക്യരാഷ്ട്രസഭയുടെ പ്രമേയങ്ങളും ലംഘിക്കുന്ന നടപടിയാണ് ഇസ്രായേലിന്റെ ഭാഗത്തുനിന്ന് ഉണ്ടായതെന്ന് ഖത്തര്‍ വിദേശകാര്യ മന്ത്രാലയം വ്യക്തമാക്കി.
കഴിഞ്ഞ ദിവസമാണ്(തിങ്കളാഴ്ച) ഇസ്രായേല്‍ 2005ലെ ഡിസ്എന്‍ഗേജ്‌മെന്റ് നിയമത്തിലെ ഭാഗങ്ങള്‍ റദ്ദാക്കിയത്. ഇതിനുപുറമേ പലസ്തീനിലെ വടക്കന്‍ വെസ്റ്റ്ബാങ്ക് സെറ്റില്‍മെന്റുകളിലേക്ക് അനധികൃത കുടയേറ്റക്കാരെ മടങ്ങാന്‍ അനുവദിക്കുകയും ചെയ്തു. പ്രാദേശികവും ആഗോളവുമായ സുരക്ഷയ്ക്ക് ഭീഷണിയാണ് ഇസ്രായേലിന്റെ നടപടി. ഇതിനെതിരെ അന്താരാഷ്ട്രസമൂഹവും യുഎന്നും അടിയന്തര നടപടി സ്വീകരിക്കണമെന്ന് മന്ത്രാലയം അഭ്യര്‍ത്ഥിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
