May 03, 2023
May 03, 2023
ന്യൂസ്റൂം ബ്യുറോ
ദോഹ : കടൽ മാർഗം ഖത്തറിലേക്ക് കടത്താൻ ശ്രമിച്ച 120 കിലോ ഹഷീഷ് മയക്കുമരുന്ന് ആഭ്യന്തര മന്ത്രാലയത്തിലെ (MoI) ജനറൽ ഡയറക്ടറേറ്റ് ഓഫ് കോസ്റ്റ് ആൻഡ് ബോർഡർസ് സെക്യൂരിറ്റി (MoI) വിഭാഗം പിടികൂടി.ഏഷ്യൻ വംശജരായ മൂന്ന് പേരെ അറസ്റ്റ് ചെയ്തതായും തുടർ നിയമനടപടികൾക്കായിഇവരെ ജനറൽ അഡ്മിനിസ്ട്രേഷൻ ഫോർ ഡ്രഗ് കൺട്രോൾ വിഭാഗത്തിന് കൈമാറിയതായും ആഭ്യന്തര മന്ത്രാലയം ട്വീറ്റ് ചെയ്തു.
മെയ് ഒന്നിന് ഹമദ് അന്താരാഷ്ട്ര വിമാനത്താവളം വഴി രാജ്യത്തേക്ക് കടത്താൻ ശ്രമിച്ച മൂവായിരത്തിലേറെ നിരോധിത ലിറിക്ക ഗുളികകൾ കസ്റ്റംസ് വിഭാഗം പിടികൂടിയിരുന്നു.സംശയാസ്പദമായ സാഹചര്യത്തിൽ യാത്രക്കാരന്റെ ബാഗുകൾ പരിശോധിച്ചപ്പോഴാണ് 3,360 ഗുളികകൾ പിടിച്ചെടുത്തത്നിരോധിത വസ്തുക്കൾ രാജ്യത്തേക്ക് കടത്തുന്നത് തടയാൻ വിമാനത്താവളം ഉൾപ്പെടെയുള്ള പ്രവേശന മാർഗങ്ങളിൽ അത്യാധുനിക സംവിധാനങ്ങളോടെയുള്ള കർശന പരിശോധനയാണ് വിവിധ കസ്റ്റംസ് വിഭാഗങ്ങൾ നടത്തിവരുന്നത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL