April 09, 2023
April 09, 2023
ന്യൂസ്‌റൂം ബ്യുറോ
ദോഹ :റമദാൻ പ്രമാണിച്ച് ഖത്തർ ചാരിറ്റി നൂറ് പേരുടെ കടബാധ്യതകൾ തീർക്കും. കടബാധ്യതകൾ മൊത്തം 98 മില്യൺ റിയാൽ വരുമെന്ന് ഖത്തർ ചാരിറ്റി അറിയിച്ചു.ആദ്യ ബാച്ചിൽ 46 പേരാണ് പരിഗണനയിലുള്ളത്.. ഇവരുടെ കടം 80 മില്യൺ റിയാലാണ്. ഇവർ പണം നൽകാനുള്ള സ്ഥാപനങ്ങളും വ്യക്തികളുമായി ഖത്തർ ചാരിറ്റി ചർച്ചകൾ നടത്തി.
രണ്ടാമത്തെ ബാച്ചിൽ 54 പേരാണുള്ളത്. ഇവരുടെ ബാധ്യത 18 മില്യൺ റിയാലാണ്.
പെരുന്നാളിന് മുമ്പ് കടങ്ങൾ തീർത്ത് ഇവരുടെ കുടുംബങ്ങളിൽ സന്തോഷം കൊണ്ടുവരാൻ കഴിയുമെന്ന് പ്രതീക്ഷിക്കുന്നതായി ഖത്തർ ചാരിറ്റി ലോക്കൽ പ്രോഗ്രാം ഓഫീസർ ഫൈസൽ റാഷിദ് അൽ ഫെഹൈദ പറഞ്ഞു.
കഴിഞ്ഞ വർഷം 150 പേരുടെ 68 മില്യൺ റിയാൽ കടം ഖത്തർ ചാരിറ്റി വീട്ടിയിരുന്നു.
റമദാൻ പ്രമാണിച്ചു നിരവധി ജീവകാരുണ്യ പ്രവർത്തനങ്ങളാണ് ഖത്തർ ചാരിറ്റിയും ഖത്തർ റെഡ് ക്രെസെന്റും മറ്റു സംഘടനകളും ഖത്തറിലും മറ്റു രാജ്യങ്ങളിലും നടപ്പിലാക്കുന്നത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
