May 03, 2023
May 03, 2023
ന്യൂസ്‌റൂം ബ്യൂറോ
ദോഹ: ഖത്തറിന് പ്രധാന ഹൈഡ്രജന്‍ ഉല്‍പ്പാദക രാജ്യമായി മാറാനാകുമെന്ന് ഖത്തര്‍ യൂണിവേഴ്‌സിറ്റി കോളേജ് ഓഫ് എഞ്ചിനീയറിംഗിലെ മെക്കാനിക്കല്‍ എഞ്ചിനീയറിംഗ് പ്രൊഫസര്‍ ഡോ. സമര്‍ ഫിക്രി അഭിപ്രായപ്പെട്ടു. ഖത്തറില്‍ സൗരോര്‍ജ്ജം സമൃദ്ധമായതിനാല്‍ ഹൈഡ്രജന്‍ ഉല്‍പ്പാദനം എളുപ്പമാകുമെന്നും അദ്ദേഹം പറഞ്ഞു. സൗരോര്‍ജ്ജം പോലെ പുനരുല്‍പ്പാദിപ്പിക്കാവുന്ന സ്രോതസ്സുകളില്‍ നിന്ന് വൈദ്യൂതി ഉല്‍പ്പാദിപ്പിച്ച്, വൈദ്യൂതിവിശ്ലേഷണത്തിലൂടെ ജലത്തില്‍ നിന്ന് ഹൈഡ്രജന്‍ ഉല്‍പ്പാദിപ്പിക്കാമെന്നും ഇത് ചെലവ് കുറഞ്ഞ പ്രക്രിയയാണെന്നും അദ്ദേഹം കൂട്ടിച്ചേര്‍ത്തു. ഈ പ്രക്രിയയിലൂടെ ഊര്‍ജ്ജ സ്രോതസ്സുകളെ വൈവിധ്യവല്‍ക്കരിക്കാനും ഹൈഡ്രോകാര്‍ബണ്‍ അടിസ്ഥാനമാക്കിയുള്ള ഇന്ധനങ്ങളെ ആശ്രയിക്കുന്നത് കുറയ്ക്കാനും കഴിയുമെന്നും അദ്ദേഹം വ്യക്തമാക്കി.
800 മെഗാവാട്ട് ശേഷിയുള്ള അല്‍ ഖര്‍സ സോളാര്‍ പവര്‍ പ്ലാന്റ് അടുത്തിടെ ഖത്തറിൽ പ്രവർത്തനം തുടങ്ങിയിരുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
