October 05, 2022
October 05, 2022
ന്യൂസ്റൂം ബ്യുറോ
ദോഹ : ഔദ്യോഗിക സന്ദർശനത്തിനായി ചെക്ക് റിപ്പബ്ലിക്കിലെത്തിയ ഖത്തർ അമീർ ശൈഖ് തമീം ബിൻ ഹമദ് അൽതാനിക്ക് പ്രാഗ് കാസിലിലെ പ്രസിഡന്റിന്റെ വസതിയിൽ ഔദ്യോഗിക സ്വീകരണം.പ്രസിഡന്റ് മിലോസ് സെമാൻ അമീറിനെ സ്വീകരിച്ചു.
ഖത്തർ, ചെക്ക് ദേശീയ ഗാനങ്ങൾ ആലപിച്ചുകൊണ്ടാണ് ചടങ്ങുകൾ ആരംഭിച്ചത്. തുടർന്ന് അമീർ രാജ്യത്തിന്റെ ഗാർഡ് ഓഫ് ഓണർ സ്വീകരിച്ചു.ചെക്ക് ഔദ്യോഗിക പ്രതിനിധി സംഘത്തിലെ ഉന്നതതല പ്രതിനിധികളുമായും മുതിർന്ന ഉദ്യോഗസ്ഥരുമായും അമീർ കൂടിക്കാഴ്ച നടത്തി.
ഉക്രെയ്നിലെ റഷ്യൻ അധിനിവേശവും തുടർന്നുണ്ടായ ഊർജ്ജ പ്രതിസന്ധിയും തുടങ്ങിയ ശേഷം ഖത്തറുമായുള്ള നയതന്ത്ര ബന്ധത്തിൽ യൂറോപ്യൻ രാജ്യങ്ങൾ കൂടുതൽ താൽപര്യം കാണിക്കുന്നതായി റിപ്പോർട്ടുകൾ ഉണ്ട്.ലോകത്തിലെ ഏറ്റവും വലിയ മൂന്നാമത്തെ വലിയ എണ്ണ, വാതക ശേഖരമുള്ള രാജ്യമാണ് ഖത്തർ.
"പ്രാഗ് കാസിലിൽ നടക്കുന്ന യൂറോപ്യൻ യൂണിയൻ ഉച്ചകോടിയുടെ പശ്ചാത്തലത്തിൽ, നിലവിലെ പ്രധാന പ്രതിസന്ധികൾക്ക് പരിഹാരം കാണുന്നതിനായി ചെക്ക് റിപ്പബ്ലിക് ഉൾപ്പെടെയുള്ള യൂറോപ്യൻ യൂണിയൻ രാജ്യങ്ങളിലെ രാഷ്ട്രീയ പ്രതിനിധികളുമായി കൂടിക്കാഴ്ച നടത്താനുള്ള നല്ല അവസരമാണ് ഖത്തർ അമീറിന്റെ സന്ദർശന"മെന്ന്" ചെക്ക് പ്രസിഡന്റിന്റെ വക്താവ് ജിരി ഒവ്ചാകെക് പ്രതികരിച്ചു.
ഖത്തറുമായുള്ള സാമ്പത്തിക സഹകരണം സംബന്ധിച്ച കരാറിന് ചെക്ക് സർക്കാർ കഴിഞ്ഞയാഴ്ച അംഗീകാരം നൽകിയിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FZrPbBIed7U4lm5VsQzYgH എന്ന ലിങ്കിൽ ജോയിൻ ചെയ്യുക