November 19, 2022
November 19, 2022
ന്യൂസ്‌റൂം ബ്യുറോ
ദോഹ : ഖത്തർ ഫിഫ ലോകകപ്പിന് ഐക്യദാർഢ്യവുമായി ഖത്തർ എയർവെയ്‌സ് പുറത്തിറക്കിയ 'ചാമ്പ്യൻസ്' ഒഫീഷ്യൽ ആൽബം 48 മണിക്കൂറിനിടെ യൂട്യൂബിൽ കണ്ടത് പതിനൊന്ന് മില്യണിലധികം ആരാധകർ.
പ്രശസ്ത ഡിജെ റോഡ്‌ജും ലോകപ്രശസ്ത ഗായകൻ ചെബ് ഖാലിദും ചേർന്നൊരുക്കിയ സംഗീത ദൃശ്യവിരുന്ന് നവംബർ 17 നാണ് യൂട്യൂബിൽ അപ്‌ലോഡ് ചെയ്തത്.ഇംഗ്ലീഷിലും ഫ്രഞ്ചിലും അറബിയിലുമുള്ള ഗാനത്തിന്റെ രണ്ടു ദിവസത്തെ ജനപ്രീതി കണക്കിലെടുക്കുമ്പോൾ, ടൂർണമെന്റിന്റെ അവസാനമാകുമ്പോഴേക്കും 2022 ഫിഫ ലോകകപ്പിലെ ഏറ്റവും ട്രെൻഡിംഗ് ഗാനമായി ഇത് മാറുമെന്നാണ് പ്രതീക്ഷിക്കുന്നത്.
ഓഗസ്റ്റ് 20 ന് പുറത്തിറങ്ങിയ "Arhbo", ഫിഫയുടെ ഔദ്യോഗിക ചാനലിൽ ഇതുവരെ 34 ദശലക്ഷം ആസ്വാദകരെയും ഒക്ടോബർ 7 ന് പുറത്തിറങ്ങിയ 'ലൈറ്റ് ദി സ്കൈ' 15 ദശലക്ഷം ആസ്വാദകരെയും യൂട്യൂബിൽ ഇതുവരെ നേടിയിട്ടുണ്ട്.
ഖത്തർ 2022-ലെ ആദ്യ ഔദ്യോഗിക ശബ്‌ദട്രാക്ക്, ഹയ്യ ഹയ്യ (ബെറ്റർ ടുഗെദർ), ഏപ്രിൽ 1-നാണ് റിലീസ് ചെയ്തത്. ഫിഫ ചാനലിൽ 33 ദശലക്ഷം കാഴ്‌ചക്കാരെയാണ് ഹയ്യ ഹയ്യ ഇതുവരെ നേടിയത്. അതേസമയം നവംബർ 18-ന് പുറത്തിറങ്ങിയ ഏറ്റവും പുതിയ 'ടുക്കോ ടാക്ക'ഫിഫ ഫാൻ ഫെസ്റ്റിവൽ ഗാനം ഏകദേശം 4.4 ദശലക്ഷം പേരാണ് 24 മണിക്കൂറിനിടെ യൂട്യൂബിൽ കണ്ടത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക
