May 22, 2023
May 22, 2023
ന്യൂസ്‌റൂം ബ്യുറോ
ദോഹ : നീണ്ട മൂന്നര വർഷത്തെ ഇടവേളക്ക് ശേഷം ഖത്തർ എയർവെയ്‌സ് ദോഹയിൽ നിന്നും മനാമയിലേക്ക് നേരിട്ടുള്ള സർവീസ് തുടങ്ങുന്നു.ഖത്തറിനും ബഹ്റൈനുമിടയിൽ വിമാന സർവീസുകൾ ഉടൻ പുനരാരംഭിക്കുമെന്ന പ്രഖ്യാപനത്തിന് പിന്നാലെയാണ് ടിക്കറ്റുകളുടെ ബുക്കിങ് ആരംഭിച്ചത്.
മെയ് 25 വ്യാഴാഴ്ച മുതൽ എല്ലാ ദിവസവും രാത്രി 8 മണിക്ക് ദോഹയിൽ നിന്ന് സർവീസുകൾ ഉണ്ടായിരിക്കും.അതേ ദിവസം തന്നെ ബഹ്‌റൈനിൽ നിന്ന് ഖത്തറിലേക്ക് പുറപ്പെടുന്ന വിമാനം (ക്യുആർ 1109) രാത്രി 10:20 ന് പുറപ്പെട്ട് രാത്രി 11:15 ന് ദോഹയിലെത്തും. 50 മിനുട്ടാണ് യാത്രാ സമയം.ഖത്തർ എയർവെയ്സിന്റെ വെബ്‌സൈറ്റ് ഇക്കോണമി ടിക്കറ്റിന് 1,210 റിയാലും എലൈറ്റ് ക്ലാസ് ടിക്കറ്റിന് 4,780 റിയാലുമാണ് നിരക്ക്.
2017 ലെ ഉപരോധത്തിന് പിന്നാലെ ഇരു രാജ്യങ്ങൾക്കുമിടയിലെ വിമാന സർവീസുകൾ നിർത്തിവെച്ചിരുന്നു.ഉപരോധം അവസാനിച്ചിട്ടും ഇരു രാജ്യങ്ങൾക്കുമിടയിൽ ചില വിഷയങ്ങളിൽ നിലനിന്നിരുന്ന ഭിന്നതകൾ കാരണം സർവീസുകൾ പുനരാരംഭിക്കുന്നത് വൈകുകയായിരുന്നു.രണ്ട് അയൽ രാജ്യങ്ങൾക്കുമിടയിൽ സർവീസുകൾ പുനരാരംഭിക്കുന്നത് വ്യോമയാന മേഖലയിൽ ഉണർവുണ്ടാക്കും.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
