September 22, 2023
September 22, 2023
ദോഹ: വ്യോമയാന മേഖലയിലെ സമഗ്ര സംഭാവനക്കുള്ള പുരസ്കാരം ഖത്തര് എയര്വേസ് ഗ്രൂപ്പ് സി.ഇ.ഒ അക്ബര് അല് ബാകിറിന്. വിമാനയാത്രികരുടെ അന്താരാഷ്ട്ര കൂട്ടായ്മയായ എയര്ലൈൻ പാസഞ്ചര് എക്സ്പീരിയൻസ് അസോസിയേഷൻ (അപെക്സ്), ഇന്റര്നാഷനല് ഫ്ളൈറ്റ് സര്വിസസ് അസോസിയേഷൻ (ഐ.എഫ്.എസ്.എ) എന്നിവര് സംയുക്തമായി സമ്മാനിക്കുന്ന അപെക്സ് ഐ.എഫ്.എസ്.എ പുരസ്കാരം വ്യോമയാന മേഖലയിലെ തന്നെ ഏറ്റവും വിലയേറിയ അംഗീകാരം കൂടിയാണ്.
അപെക്സ് സി.ഇ.ഒ ഡോ. ജോ ലീഡര് പുരസ്കാരം സമ്മാനിച്ചു. ഖത്തര് എയര്വേസിനെ ലോകോത്തര നിലവാരത്തിലേക്ക് ഉയര്ത്തുകയും വിമാനയാത്ര ഏറ്റവും മികച്ച അനുഭവമാക്കി മാറ്റുകയും ചെയ്ത നേതൃമികവിനുള്ള അംഗീകാരംകൂടിയാണിത്. ഖത്തര് എയര്വേസിനും, തങ്ങളുടെ സര്വിസിനെ ലോകോത്തരമാക്കി ഉയര്ത്തിയജീവനക്കാര്ക്കുമുള്ള അംഗീകാരമാണിതെന്ന് അക്ബര് അല് ബാകിര് പറഞ്ഞു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G