September 10, 2022
September 10, 2022
ദോഹ : തങ്ങളുടെ ആഗോള പ്രവർത്തനങ്ങൾ കൂടുതൽ കാര്യക്ഷമമാക്കുന്നതിനും യാത്രക്കാർക്ക് മികച്ച അനുഭവങ്ങൾ നൽകുന്നതിനായി ഖത്തർ എയർവെയ്സ് ഇന്ത്യയിൽ നിന്നും കൂടുതൽ ജീവനക്കാരെ നിയമിക്കാൻ തയാറെടുക്കുന്നു.ഇതിന്റെ ഭാഗമായി 2022 സെപ്തംബർ 16 മുതൽ വിവിധ തസ്തികകളിലേക്ക് ഇന്ത്യക്കാരിൽ നിന്നും അപേക്ഷകൾ സ്വീകരിക്കാൻ തുടങ്ങുമെന്ന് ഖത്തർ എയർവേയ്സ് വാർത്താകുറിപ്പിൽ അറിയിച്ചു.അതേസമയം,ഇന്ത്യയിൽ നിന്നുള്ള റിക്രൂട്ട്മെന്റ് ജീവനക്കാരുടെ പുനർനിയമനത്തിന്റെയും വിപുലീകരണത്തിന്റെയും ഭാഗമാണെന്നും കമ്പനി വ്യക്തമാക്കിയതായി ഇന്ത്യൻ മാധ്യമങ്ങൾ റിപ്പോർട്ട് ചെയ്തു.
ഖത്തർ ഡ്യൂട്ടി ഫ്രീ, ഖത്തർ ഏവിയേഷൻ സർവീസസ്, ഖത്തർ എയർവേയ്സ് കാറ്ററിംഗ് കമ്പനി, ഖത്തർ ഡിസ്ട്രിബ്യൂഷൻ കമ്പനി തുടങ്ങി ദിയാഫത്തീന ഹോട്ടലുകൾ വരെയുള്ള വിവിധ വിഭാഗങ്ങളിലേക്കാണ് ഇന്ത്യയിൽ നിന്ന് ജീവനക്കാരെ നിയമിക്കാൻ ഖത്തർ എയർവെയ്സ് ലക്ഷ്യമാക്കുന്നത്.
അതേസമയം,റിക്രൂട്മെന്റുമായി ബന്ധപ്പെട്ട വിശദാംശങ്ങൾ അധികൃതർ പുറത്തുവിട്ടിട്ടില്ല.
കോർപ്പറേറ്റ്, വാണിജ്യ, മാനേജ്മെന്റ്, കാർഗോ, കസ്റ്റമർ സർവീസ്, എഞ്ചിനീയറിംഗ്, ഫ്ലൈറ്റ് ഓപ്പറേഷൻസ്, ഗ്രൗണ്ട് സർവീസ്, സേഫ്റ്റി തുടങ്ങിയ തസ്തികകളിലേക്കാണ് നിയമനം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക