November 30, 2022
November 30, 2022
ന്യൂസ്റൂം ബ്യുറോ
ദോഹ : ലോകകപ്പിനെ രാഷ്ട്രീയവത്കരിക്കാനുള്ള ശ്രമങ്ങൾ വിജയിച്ചില്ലെന്നും ലോകത്തെ എല്ലാ വിഭാഗങ്ങളിലും പെട്ട ആളുകൾ സുരക്ഷിതമായ ലോകകപ്പ് ആസ്വദിക്കുകയാണെന്നും ഖത്തർ വിദേശകാര്യ സഹമന്ത്രി ലുൽവ അൽ ഖാത്വർ.ചൊവ്വാഴ്ച ദോഹയിൽ TRT അറബിക് ചാനലിന് നൽകിയ പ്രത്യേക അഭിമുഖത്തിലാണ് അവർ ഇക്കാര്യം പറഞ്ഞത്.
"ആദ്യമായാണ് ലോകകപ്പ് ഈ രീതിയിൽ രാഷ്ട്രീയവൽക്കരിക്കപ്പെട്ടത്, എന്നാൽ ഈ രാഷ്ട്രീയവൽക്കരണവും വിമർശനങ്ങളുമെല്ലാം ഒരു നിശ്ചിത തലത്തിൽ മാത്രമായി ഒതുങ്ങി.ചായക്കോപ്പയിലെ ചുഴലിക്കാറ്റിനപ്പുറം ഒരിക്കലും മടുക്കാത്ത ഒരു ഉത്സവ സാഹചര്യമാണ് ഖത്തർ ലോകകപ്പിൽ ഉണ്ടായത്"-അവർ പറഞ്ഞു.
ഇത്രയും സുരക്ഷിതത്വമുള്ള ഒരു രാജ്യത്ത് ആദ്യമായാണ് ലോകകപ്പ് നടക്കുന്നതെന്നും വിവിധ സംസ്കാരങ്ങൾ ഉൾക്കൊള്ളുന്നവർക്ക് കുടുംബസമേതം ഒരു രാജ്യത്ത് ലോകകപ്പ് ആഘോഷിക്കാൻ കഴിയുന്നതായും അവർ പറഞ്ഞു. സമാധാനം, സുരക്ഷിതത്വം, സന്തോഷം എന്നിവ ഒരു ജനകീയ അളവുകോലാണെന്നും സമാനതകളില്ലാത്ത വിജയത്തിന്റെ സൂചകമാണ് ഇതെന്ന് കരുതുന്നതായും അവർ കൂട്ടിച്ചേർത്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക