December 29, 2022
December 29, 2022
ന്യൂസ്റൂം ബ്യുറോ
ദോഹ : 2023 ജനുവരി 1 മുതൽ മരുന്നുകളുടെയും മെഡിക്കൽ സപ്ലൈകളുടെയും ഹോം ഡെലിവറി ഫീസിൽ മാറ്റം വരുത്തുമെന്ന് ഖത്തർ പോസ്റ്റൽ സർവീസസ് കമ്പനിയായ ഖത്തർ പോസ്റ്റ് അറിയിച്ചു..ഇതനുസരിച്ച് ഹമദ് മെഡിക്കൽ കോർപ്പറേഷന്റെയും പ്രൈമറി ഹെൽത്ത് കെയർ കോർപ്പറേഷന്റെയും മരുന്നുകളും സപ്ലൈകളും മെഡിക്കൽ റിപ്പോർട്ടുകളും വീടുകളിലെത്തിക്കുന്നതിനുള്ള നിരക്ക് തുടർന്നും 20 റിയാലിന് പകരം 30 റിയാലായിരിക്കും.. ഖത്തർ പോസ്റ്റ് ട്വിറ്റർ അക്കൗണ്ടിലാണ് ഇക്കാര്യം അറിയിച്ചത്.കഴിഞ്ഞ സെപ്തംബറിൽ നിരക്ക് 30 റിയാലിൽ നിന്ന് 20 റിയാലായി താൽക്കാലികമായി കുറച്ചിരുന്നു.
ഹെൽത്ത് കാർഡുള്ള രോഗികൾക്ക് ഓൺലൈൻ വഴി പണമടച്ചാൽ ഹമദ് മെഡിക്കൽ കോർപ്പറേഷനിൽ നിന്നും പ്രൈമറി ഹെൽത്ത് കെയറിൽ നിന്നുമുള്ള മരുന്നുകളും മറ്റുൽപ്പന്നങ്ങളും ഖത്തർ പോസ്റ്റ് വീടുകളിൽ എത്തിക്കും.ഇതിനായി രോഗികൾ അവർ താമസിക്കുന്ന വീടിന്റെ കൃത്യമായ വിലാസം നൽകിയാൽ മതിയാകും.ഞായറാഴ്ച മുതൽ വ്യാഴം വരെ ദിവസവും രാവിലെ 8 മുതൽ രാത്രി 8 വരെ 16000 എന്ന നമ്പറിൽ വിളിച്ച് സേവനം ഉപയോഗപ്പെടുത്താവുന്നതാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക.