April 15, 2023
April 15, 2023
ന്യൂസ്റൂം ബ്യുറോ
ദോഹ: ഖത്തറിലെ ജനങ്ങളുടെ വരുമാനത്തിന് ആദായ നികുതി ചുമത്തുന്നത് സംബന്ധിച്ച് ആലോചനകളൊന്നുമില്ലെന്ന് പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുറഹ്മാന് ബിന് ജാസിം ആല്ഥാനി പറഞ്ഞു. ഖത്തര് ടി.വിക്കു നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.മൂല്യവര്ധിത നികുതിയായ വാറ്റ് നടപ്പാക്കുന്ന തീയതി സംബന്ധിച്ച് തീരുമാനമായിട്ടില്ലെന്നും അദ്ദേഹം പറഞ്ഞു.
പ്രധാനമന്ത്രിയായ സ്ഥാനമേറ്റ ശേഷം നല്കിയ ആദ്യ അഭിമുഖത്തിൽ രാജ്യത്തിന്റെ വിവിധ മേഖലകളിലെ പദ്ധതികളെയും വിദേശ നയങ്ങളെ കുറിച്ചും വിശദീകരിക്കുന്നതിനിടെയാണ് അദ്ദേഹം ആദായ നികുതി സംബന്ധിച്ച കാര്യത്തിലും വിശദീകരണം നൽകിയത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI