April 05, 2024
April 05, 2024
ദോഹ :ആട് ജീവിതത്തിലെ എ.ആർ റഹ്മാൻ സംഗീതത്തിലൂടെ ലോകപ്രശസ്തി നേടിയ ഗായകൻ ജിതിൻരാജ് ദോഹയിൽ എത്തുന്നു.പിന്നണി ഗായകരായ അഫ്സൽ,ജ്യോത്സ്ന,സലിം കോടത്തൂർ,മകളും ഗായികയുമായ ഹന്ന സലിം,ജാസിം ജമാൽ,കീർത്തന,ഷെയ്ഖ എന്നിവർ ഉൾപെട്ട സംഘത്തോടൊപ്പം ദോഹയിൽ അരങ്ങേറുന്ന 'ഈദ് മെഹബിൻ' സംഗീത പരിപാടിയിൽ പങ്കെടുക്കാനാണ് ജിതിൻരാജ് ദോഹയിൽ എത്തുന്നത്.
ഏപ്രിൽ 12ന് അൽ അറബി ഇൻഡോർ സ്റ്റേഡിയത്തിലാണ് പരിപാടി നടക്കുക.നേരത്തെ കേരള ഫിലിം പ്രൊഡ്യൂസേഴ്സ് അസോസിയേഷനുമായി ചേർന്ന് 91 ഈവന്റ് 974 സ്റ്റേഡിയത്തിൽ നടത്താനിരുന്ന മെഗാ താരനിശ മുടങ്ങിയ ശേഷം ഇതാദ്യമായാണ് ദോഹയിൽ മറ്റൊരു സ്റ്റേജ് പരിപാടി അരങ്ങേറുന്നത്.അൽ അറബി സ്റ്റേഡിയത്തിൽ 7.30 നാണ് പരിപാടി നടക്കുക.6 മണി മുതൽ പ്രവേശനം അനുവദിക്കുമെന്ന് സംഘാടകർ അറിയിച്ചു.ടിക്കറ്റുകൾക്ക് 55974 974 / 31103 770 എന്നീ നമ്പറുകളിൽ ബന്ധപ്പെടാവുന്നതാണ്.ക്യൂ ടിക്കറ്റ്സ് വഴി ഓൺലൈനായും ടിക്കറ്റുകൾ വാങ്ങാം.
അതേസമയം,നേരത്തെ 91 ഈവന്റ്സ് 974 സ്റ്റേഡിയത്തിൽ നടത്താനിരുന്ന മുടങ്ങിയ പരിപാടിയുമായി തങ്ങൾക്ക് യാതൊരു ബന്ധവുമില്ലെന്ന് സംഘാടകരായ 974 ഈവന്റ്സ് കമ്പനി അറിയിച്ചു.നിരവധി സിനിമാ പ്രൊമോഷൻ പരിപാടികൾ ഉൾപ്പെടെ വിജയകരമായി സംഘടിപ്പിച്ച തങ്ങൾക്ക് പേരിലെ സാമ്യത വലിയ പ്രതിസന്ധിയുണ്ടാക്കിയതായും സംഘാടകർ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F