January 28, 2023
January 28, 2023
ന്യൂസ്‌റൂം ബ്യുറോ
ദോഹ : അൽ സദ്ദിലെ വാണിജ്യ സ്ഥാപനങ്ങൾക്ക് ആവശ്യത്തിന് പാർക്കിങ് സൗകര്യം ഇല്ലാത്തത് വലിയ പ്രതിസന്ധിയുണ്ടാക്കുന്നതായി പ്രാദേശിക അറബ് ദിനപത്രം റിപ്പോർട്ട് ചെയ്തു. പ്രശ്നത്തിന് എത്രയും വേഗം പരിഹാരം കാണണമെന്ന് കടയുടമകൾ ബന്ധപ്പെട്ട അധികാരികളോട് ആവശ്യപ്പെട്ടതായി 'അൽ റയ'പത്രം തയാറാക്കിയ റിപ്പോർട്ടിൽ ചൂണ്ടിക്കാട്ടി.
പ്രദേശത്തെ താമസക്കാരും മറ്റു കമ്പനികളിലെ ജീവനക്കാരും പാർക്കിംഗ് സ്ഥലങ്ങൾ കയ്യടക്കുന്നതിനാൽ കടയുടമകൾക്കോ ഈ സ്ഥാപനങ്ങളിലെത്തുന്ന ഉപഭോക്താക്കൾക്കോ വാഹനം പാർക്ക് ചെയ്യാൻ ഇടം ലഭിക്കാത്ത അവസ്ഥയാണ്.ഇത് കടയുടമകൾക്ക് വലിയ നഷ്ടമുണ്ടാക്കുന്നതായി പത്രം ചൂണ്ടിക്കാട്ടുന്നു.അൽ സദ്ദിനു പുറമെ എല്ലാ വാണിജ്യ സ്ട്രീറ്റുകളിലും പാർക്കിംഗിന്റെ അഭാവം വലിയ പ്രതിസന്ധിയായി തുടരുന്നതിനാൽ ആവശ്യമായ ക്രമീകരണങ്ങൾ വരുത്തി ബോർഡുകൾ സ്ഥാപിക്കണമെന്നാണ് ആവശ്യം.
കടകളിലേക്ക് വരുന്ന ഉപഭോക്താക്കളിൽ വലിയൊരു വിഭാഗം പ്രായമായവരും സ്ത്രീകളുമാണെന്നും പലപ്പോഴും കടകൾക്ക് സമീപം പാർക്കിംഗ് സ്ഥലങ്ങൾ കാണാതെ വരുമ്പോൾ ഇവർ സ്ഥലം വിടുകയാണെന്നും കടയുടമകൾ ചൂണ്ടിക്കാട്ടി.അൽ സദ്ദിലെ പാർപ്പിട മേഖലയിൽ നടപ്പാതകളുടെ വിപുലീകരണമാണ് പാർക്കിംഗ് ലോട്ടുകൾ കുറയാൻ കാരണമെന്നും വ്യാപാരികൾ ചൂണ്ടിക്കാട്ടി.,
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
