August 22, 2022
August 22, 2022
ദോഹ : പാക്കിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് ഖത്തറിലേക്കുള്ള തന്റെ ആദ്യ സന്ദർശനത്തിനായി നാളെ യാത്ര തിരിക്കും.ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുടെ ക്ഷണപ്രകാരമാണ് പ്രധാനമന്ത്രി ദോഹ സന്ദർശിക്കുന്നതെന്ന് പാക്കിസ്ഥാൻ മാധ്യമങ്ങൾ റിപ്പോർട്ട് ചെയ്തു.2022 ഏപ്രിലിൽ അധികാരമേറ്റതിന് ശേഷമുള്ള പാക് പ്രധാനമന്ത്രിയുടെ ആദ്യ ഖത്തർ സന്ദർശനമാണിത്. മന്ത്രിസഭയിലെ പ്രധാന അംഗങ്ങൾ ഉൾപ്പെടെയുള്ള ഉന്നതതല പ്രതിനിധി സംഘവും അദ്ദേഹത്തെ അനുഗമിക്കും.
രണ്ട് ദിവസത്തെ സന്ദർശനത്തിനിടെ പ്രധാനമന്ത്രി ഷെഹ്ബാസ് ഖത്തർ ഉന്നതതല നേതൃത്വവുമായി കൂടിക്കാഴ്ച നടത്തും.ഉഭയകക്ഷി ബന്ധം ശക്തിപ്പെടുത്തുന്നതോടൊപ്പം , ഊർജ മേഖലയിലെ സഹകരണം, വ്യാപാര, നിക്ഷേപ ബന്ധങ്ങൾ, ഖത്തറിലെ പാകിസ്ഥാൻ സ്വദേശികൾക്കുള്ള കൂടുതൽ തൊഴിലവസരങ്ങൾ എന്നിവയായിരിക്കും പ്രധാന ചർച്ചാ വിഷയങ്ങളെന്നും റിപ്പോർട്ടിൽ പറയുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക