May 02, 2023
May 02, 2023
ന്യൂസ്റൂം ബ്യൂറോ
ദോഹ: കഴിഞ്ഞ പത്ത് വര്‍ഷത്തിനിടെ രാജ്യത്തെ അവയവദാതാക്കളില്‍ 200 മടങ്ങ് വര്‍ധന രേഖപ്പെടുത്തിയതായി ഖത്തര്‍ ഓര്‍ഗന്‍ ഡൊണേഷന്‍ സെന്റര്‍(ഹിബ) അറിയിച്ചു. രാജ്യത്ത് നടന്നുകൊണ്ടിരിക്കുന്ന ബോധവല്‍ക്കരണ പരിപാടികളുടെ ഫലമായാണ് ഈ മാറ്റം സാധ്യമായതെന്ന് ഹിബ വ്യക്തമാക്കി.
ജീവിച്ചിരിക്കുന്ന കാലത്ത് തന്നെ അവയവദാനത്തിന് തയ്യാറാകുന്ന ആളുകളുടെ എണ്ണം വര്‍ധിച്ചുവരുന്നതായി ഹിബ ഡയറ്കടര്‍ ഡോ. റിയാദ് ഫാദില്‍ പറഞ്ഞു. മരണശേഷം അവയവങ്ങള്‍ ദാനം ചെയ്യാന്‍ തയാറാകുന്നവരുടെ എണ്ണത്തിലും ഇതേ വര്‍ധനവുണ്ടായതായി അദ്ദേഹം കൂട്ടിച്ചേര്‍ത്തു.
മരണശേഷം അവയവം ദാനം ചെയ്യാന്‍ സമ്മതിച്ച വ്യക്തികളുടെ വിവരങ്ങള്‍ രഹസ്യമായി സൂക്ഷിക്കും. അവയവദാന ബോധവല്‍ക്കരണത്തിനായി 10 ഇടങ്ങളിലാണ് ഈ വര്‍ഷത്തെ വാര്‍ഷിക കാമ്പയിന്‍ നടത്തിയത്. അതിന്റെ ഫലമായി അരലക്ഷത്തിലധികം ആളുകള്‍ അവയവദാനം ചെയ്യാന്‍ സമ്മതം അറിയിച്ചിട്ടുണ്ടെന്ന് ഡോ. ഫാദില്‍ വ്യക്തമാക്കി.
ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക https://chat.whatsapp.com/KIGk615xlF1ILlMGxpUXqI
