May 07, 2023
May 07, 2023
ന്യൂസ്റൂം ബ്യൂറോ
ദോഹ: ഹമദ് ജനറല് ഹോസ്പിറ്റലിലെ ബോണ് ആന്ഡ് ജോയിന്റ് സെന്ററില് ഓര്ത്തോപീഡിക് ഈവനിംഗ് ക്ലിനിക്കുകള് ഇന്നു മുതല് ആരംഭിക്കും. ഓര്ത്തോപീഡിക് പരിചരണത്തിന്റെ വര്ദ്ധിച്ചുവരുന്ന ആവശ്യം നിറവേറ്റുന്നതിനായി ഞായറാഴ്ച മുതല് ബുധനാഴ്ച വരെ ഉച്ചതിരിഞ്ഞ് 3 മുതല് 7 വരെ അപ്പോയ്മെന്റെടുക്കാവുന്നതാണ്. നട്ടെല്ല്, ഇടുപ്പ്, കാല്മുട്ട്, കൈമുട്ട്, കൈ, ഓര്ത്തോപീഡിക് ഓങ്കോളജി, പീഡിയാട്രിക് ഓര്ത്തോപീഡിക്, കാല്, കണങ്കാല്, ട്രോമ എന്നിവ ഉള്പ്പടെ ഓര്ത്തോപീഡിക് സേവനത്തിലെ എല്ലാ ഉപവിഭാഗങ്ങളും ഉള്ക്കൊള്ളുന്നതാണ് ക്ലിനിക്ക്. വൈകുന്നേരങ്ങളില് പ്രധാനമായും പുതിയ രോഗികളെയാണ് പരിഗണിക്കുക. പോസ്റ്റ്-ഓപ്പറേറ്റീവ് കേസുകള്, പോസ്റ്റ് എംആര്ഐ രോഗികള്, ഒടിവുകള്, അടിയന്തിര കേസുകള് എന്നിവയ്ക്ക് സേവനം നല്കും. ഫോളോ-അപ്പ് അപ്പോയ്മെന്റുകള് വൈകുന്നേരം അനുവദിക്കില്ല. അതിനായി രോഗികള് രാവിലെയെത്തേണ്ടതാണ്. 16060 എന്ന ഹെല്പ്പ് ലൈന് ഉപയോഗപ്പെടുത്തി അപ്പോയ്മെന്റെടുക്കാവുന്നതാണ്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL