July 25, 2021
July 25, 2021
ദോഹ: കോര്ണിഷ് സ്ട്രീറ്റിന്റെ തുടക്കത്തില് താല്ക്കാലിക ഗതാഗത നിയന്ത്രണം ഏർപ്പെടുത്തുന്നു..ഓഗസ്റ്റ് 6 വെള്ളിയാഴ്ച രാവിലെ 12 മുതല് 10ന് ചൊവ്വാഴ്ച പുലര്ച്ചെ 5 വരെയാണ് കോര്ണിഷ് സ്ട്രീറ്റിന്റെ രണ്ട് ദിശകളിലും താല്ക്കാലിക ഗതാഗത നിയന്ത്രണം. പൊതുമരാമത്ത് അതോറിറ്റിയായ അഷ്ഗാല് ആണ് ഇക്കാര്യം അറിയിച്ചത്. കോര്ണിഷ് സ്ട്രീറ്റ് വികസന പദ്ധതിയുടെ ചില നിര്മാണ പ്രവര്ത്തനങ്ങള് നടക്കുന്നതിനാലാണ് അടച്ചിടല്.
കോര്ണിഷ് സ്ട്രീറ്റ് അടയ്ക്കല്, അല് ബിദ്ദ പാര്ക്ക്, അല് ദിവാന് സ്ട്രീറ്റ്, റുമൈല, ഗ്രാന്ഡ് ഹമദ് സ്ട്രീറ്റ് (ബാങ്ക് സ്ട്രീറ്റ്) എന്നിവയ്ക്ക് ചുറ്റുമുള്ള ചില തെരുവുകളുടെ ഭാഗങ്ങളിലെ നവീകരണ പ്രവൃത്തിയും വേനല്ക്കാല പ്രവര്ത്തനങ്ങളുടെ ഭാഗമായി ഉണ്ടാകും. പൊതുജനങ്ങള്ക്ക് സ്വകാര്യ വാഹനങ്ങള്ക്ക് പകരമായി പൊതുഗതാഗത മാര്ഗ്ഗങ്ങള് ഉപയോഗിക്കുന്നതിന് പുറമേ അടച്ച റോഡുകളിലൂടെ കാല്നടയാത്രക്കാരെ അനുവദിക്കും.