August 21, 2019
August 21, 2019
ദോഹ: വ്യാജ ഫോൺ കോളുകൾ വഴിയുള്ള തട്ടിപ്പുകൾക്കെതിരെ ജാഗ്രത പാലിക്കണമെന്ന് ഖത്തറിലെ പ്രമുഖ ടെലിഫോൺ സേവന ദാതാക്കളായ ഉരീദു മുന്നറിയിപ്പ് നൽകി.ബാങ്ക് അക്കൗണ്ട് വിവരങ്ങൾ ഉൾപെടെ വ്യക്തിഗത വിവരങ്ങൾ ചോർത്താനാണ് ഇത്തരം ഗൂഢ സംഘങ്ങൾ ശ്രമിക്കുന്നത്. തട്ടിപ്പു സംഘങ്ങൾ വോയിസ് ഓവർ ഇന്റർനെറ്റ് പ്രോട്ടോകോൾ സംവിധാനം ഉപയോഗിക്കുന്നതിനാൽ ഇത്തരം കോളുകളുടെ ഉറവിടം കണ്ടെത്തുക ദുഷ്കരമാണ്.അതിനാൽ ഇത്തരം കോളുകൾ ലഭിച്ചാൽ വിവരം അറിയിക്കണമെന്ന് ഉരീദു ആവശ്യപ്പെട്ടു.+974 എന്ന കോഡ് ഇല്ലാതെ ലാൻഡ് ലൈനിൽ നിന്നും ലഭിക്കുന്ന ഫോൺ കോളുകൾ ഇത്തരത്തിൽ പെടുന്നവയാണ്.
സംശയാസ്പദമായ കോളുകൾ ലഭിച്ചാൽ 111 എന്ന നമ്പറിലേക്കാണ് വിളിക്കേണ്ടത്.അല്ലെങ്കിൽ fraudControl@ooredoo.qa,CustomerService@ooredoo.qa എന്നീ വിലാസങ്ങളിൽ ഇ-മെയിൽ ചെയ്യാം.തൊട്ടടുത്തുള്ള ഉരീദു ഔട്ലെറ്റിലെത്തി നേരിട്ടും അധികൃതരെ വിവരമറിയിക്കാം.
