November 19, 2022
November 19, 2022
ന്യൂസ്റൂം ബ്യുറോ
ദോഹ : ഖത്തർ ലോകകപ്പ് മത്സരങ്ങൾ നടക്കുന്ന എട്ട് സ്റ്റേഡിയങ്ങളിലും ബിയർ വിൽപന ഉണ്ടാവില്ല.പകരം ബഡ് സീറോ ആൽക്കഹോൾ ഇല്ലാത്ത ബിയറുകൾ മാത്രം ലഭിക്കും.ഫിഫ മീഡിയ ട്വിറ്ററിൽ ഇക്കാര്യം സ്ഥിരീകരിച്ചിട്ടുണ്ട്.
ഫാൻ സോണുകളിലും മറ്റ് ലൈസൻസുള്ള കേന്ദ്രങ്ങളിലും ബിയർ ഉൾപ്പെടെയുള്ള ലഹരി പാനീയങ്ങൾ ലഭ്യമായിരിക്കും.
അതേസമയം, എബി ഇൻബെവിന്റെ ഉടമസ്ഥതയിലുള്ള ബഡ്വെയ്സർ, ഓരോ മത്സരത്തിനും മൂന്ന് മണിക്കൂർ മുമ്പും ഒരു മണിക്കൂറിന് ശേഷവും എട്ട് സ്റ്റേഡിയങ്ങളിലെ പരിസരത്ത് മാത്രമായി ആൽക്കഹോൾ ബിയർ വിൽപന നടത്തും.. ഖത്തര് ലോകകപ്പ് സംഘാടക സമിതിയും ഫിഫ പ്രസിഡന്റ് ജിയാനി ഇൻഫാന്റിനോയും ബഡ്വെയ്സറും തമ്മില് നടത്തിയ ദീര്ഘമായ ചര്ച്ചകള്ക്ക് ശേഷമാണ് പുതിയ തീരുമാനം.
“സ്റ്റേഡിയങ്ങളും പരിസര പ്രദേശങ്ങളും എല്ലാ ആരാധകർക്കും ആസ്വാദ്യകരവും മാന്യവും മനോഹരവുമായ അനുഭവം പ്രദാനം ചെയ്യുന്നുവെന്ന് ആതിഥേയ രാജ്യ അധികാരികളും ഫിഫയും ഉറപ്പാക്കുന്നത് തുടരും,” പ്രസ്താവനയിൽ കൂട്ടിച്ചേർത്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക