December 24, 2022
December 24, 2022
ന്യൂസ്‌റൂം ബ്യുറോ
സാവൊപൗളൊ : പെലെയുടെ മകള്‍ കെലി നാസിമെന്റൊ സമൂഹമാധ്യമങ്ങളിൽ പങ്കുവെച്ച പോസ്റ്റ് ചെയ്ത ആശുപത്രിക്കിടക്കയിൽ അച്ഛനൊപ്പമുള്ള ചിത്രം ഫുട്‌ബോള്‍ ആരാധകര്‍ക്ക് വേദനയാവുന്നു. സാവൊപൗളോയിലെ ആശുപത്രിക്കിടക്കയില്‍ പിതാവിനെ കെട്ടിപ്പിടിച്ച് കിടക്കുന്ന ഫോട്ടോക്ക് ഒരു രാത്രി കൂടി ഒരുമിച്ച് എന്നാണ് കെലി അടിക്കുറിപ്പെഴുതിയത്. പെലെയുടെ കാന്‍സര്‍ രോഗം മൂര്‍ഛിക്കുന്നതായി കഴിഞ്ഞ ദിവസം ആശുപത്രി അധികൃതര്‍ വെളിപ്പെടുത്തിയിരുന്നു.
ചിത്രത്തില്‍ പെലെയുടെ മുഖത്തിന്റെ ഒരു വശം മാത്രമേ കാണുന്നുള്ളൂ. ശനിയാഴ്ച ബ്രസീല്‍ സമയം രാത്രി 11 നാണ് ചിത്രം പോസ്റ്റ് ചെയ്തത്. ആശുപത്രിയിലായിരിക്കും പെലെയുടെ ക്രിസ്മസ് എന്ന് കെലിയും മറ്റൊരു മകള്‍ ഫഌവിയ അരാന്റസും അറിയിച്ചിരുന്നു. ലോകകപ്പ് ഫൈനല്‍ വീക്ഷിക്കുന്ന പെലെയുടെ പാദം ഫഌവിയ തിരുമ്മുന്ന ദൃശ്യങ്ങളും കഴിഞ്ഞയാഴ്ച കെലി പുറത്തുവിട്ടിരുന്നു. നവംബര്‍ 29 നാണ് പെലെയെ ആശുപത്രിയില്‍ പ്രവേശിപ്പിച്ചത്. 2021 സെപ്റ്റംബറിലാണ് പെലെക്ക് കൊളോണ്‍ കാന്‍സര്‍ ബാധിച്ചതായി കണ്ടെത്തിയത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HHOGGyLPTMH45QRaxZQRyz എന്ന ലിങ്കിൽ ജോയിൻ ചെയ്യുക
