September 06, 2022
September 06, 2022
ദോഹ : കോവിഡ് മഹാമാരിയുണ്ടാക്കിയ അടച്ചുപൂട്ടലിന് ശേഷം ഖത്തറിലെ ആഘോഷവേദികളിൽ വീണ്ടും ഓണാരവം മുഴങ്ങുന്നു.ലോകകപ്പിന് മുന്നോടിയായി ഖത്തറിലെ പ്രവാസി മലയാളികളെ തേടിയെത്തിയ ഇത്തവണത്തെ ഓണാഘോഷങ്ങൾക്ക് നിറപ്പകിട്ടേകാൻ നിരവധി കലാപ്രതിഭകളാണ് ഖത്തറിലേക്ക് വിമാനം കയറുന്നത്.
ഇൻസ്പയർ ഈവന്റ്സ് ഈ മാസം 9ന് അൽ അറബി ഇൻഡോർ സ്പോർട്സ് ഹാളിൽ സംഘടിപ്പിക്കുന്ന 'സഫാരി ഓണാരവം 2022' സംഗീതനിശയിൽ റിമി ടോമിയും പ്രശസ്ത ഗായകൻ വിധു പ്രതാപും നയിക്കുന്ന സംഗീത,നൃത്തപരിപാടികൾ അരങ്ങേറും.
'പാലാപ്പള്ളി തിരുപ്പള്ളി...'എന്ന ഗാനത്തിലൂടെ മലയാളികളുടെ ഹൃദയം കവർന്ന അതുൽ നറുകരയുടെ നേതൃത്വത്തിലുള്ള സോൾ ഓഫ് ഫോക് ബാൻഡ് സംഘം, വിപിൻ സേവ്യർ , സംഗീത സംവിധാകനും പിന്നണി ഗായകനുമായ ശ്യാം തുടങ്ങിയ പ്രഗത്ഭ ഗായകരും പരിപാടിക്ക് കൊഴുപ്പേകും.
9 ന് വെള്ളിയാഴ്ച വൈകുന്നേരം 7 മണിക്ക് പരിപാടിക്ക് തുടക്കമാകും.
ടിക്കറ്റുകൾക്ക് സന്ദർശിക്കുക : Q Tickets.ദോഹയിലെ ജിഞ്ചർ ഹൗസ് റെസ്റ്റോറന്റ്,ദേ പുട്ട് റെസ്റ്റോറന്റ് എന്നിവിടങ്ങളിലും ടിക്കറ്റുകൾ ലഭ്യമാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക