October 23, 2022
October 23, 2022
അൻവർ പാലേരി
ദോഹ : ലോകകപ്പ് കാണാനായി കരമാർഗം വരുന്നവരെ കൊണ്ടുവരുന്നതിന് ഖത്തർ അതിർത്തിക്കും 9 കിലോമീറ്റർ അകലെ സൗദിയിൽ ബസ് സർവീസ് ഒരുക്കിയതായി സുപ്രീം കമ്മിറ്റി ഫോർ ഡെലിവറി ആൻഡ് ലെഗസി ഗതാഗത ഓപ്പറേഷൻസ് വിഭാഗം ഡയറക്ടർ എഞ്ചിനീയർ താനി അൽ-സറ അറിയിച്ചു.സൗദിയുമായി സഹകരിച്ച് ഇതിനായി പ്രത്യേകം ബസ് സ്റ്റേഷൻ ഒരുക്കിയിട്ടുണ്ടെന്നും ഇവിടെ നിന്നായിരിക്കും ലോകകപ്പ് സന്ദർശകരെ ഖത്തറിന്റെ ബസ്സുകളിൽ അബു സംറയിലേക്ക് കൊണ്ടുവരികയെന്നും അദ്ദേഹം വ്യക്തമാക്കി.അൽ കാസ് ചാനലുമായി സംസാരിക്കുന്നതിനിടെയാണ് കരമാർഗം വരുന്നവർക്കുള്ള യാത്രാനിർദേശങ്ങൾ അദ്ദേഹം വിശദീകരിച്ചത്.
ബസ്സിൽ അബുസമ്ര പ്രവേശന കവാടത്തിലെത്തിച്ച് ഇവിടെയുള്ള കൗണ്ടറിൽ നിന്ന് നടപടിക്രമങ്ങൾ പൂർത്തിയാക്കിയ ശേഷം സന്ദർശകർക്ക് ഗ്രീറ്റ് ഏരിയയിലേക്ക് പോകാൻ സൗജന്യ ബസ് സർവീസ് ഉണ്ടായിരിക്കും.
ഇതിനിടെ,ഖത്തർ ലോകകപ്പ് കാണുന്നതിനായി അനധികൃതമായി നേടിയ ഹയ്യ കാർഡുകൾ റദ്ദാക്കപ്പെടുമെന്നും അദ്ദേഹം മുന്നറിയിപ്പ് നൽകി.നിലവിൽ അംഗീകാരം നൽകിയ ഹയ്യ കാർഡുകൾ സൂക്ഷ്മപരിശോധനയിൽ വ്യാജമാണെന്ന് കണ്ടെത്തിയാൽ റദ്ദാക്കും..മറ്റുള്ളവരുടെ ടിക്കറ്റ് നമ്പറുകൾ ഉപയോഗിച്ചും ശരിയായ നടപടിക്രമങ്ങൾ പാലിക്കാതെയും കരസ്ഥമാക്കിയ ഹയ്യ കാർഡുകളാണ് ഇത്തരത്തിൽ റദ്ദാക്കുക.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
