March 15, 2023
March 15, 2023
ന്യൂസ്റൂം ബ്യൂറോ
ദോഹ: നിസ്സാരമായ വാഹനാപകടങ്ങള് ഉണ്ടായാല് ട്രാഫിക് ഡിപ്പാര്ട്ട്മെന്റിനെ നേരിട്ട് സമീപിക്കേണ്ടതില്ലെന്ന് അധികൃതര് ഓര്മിപ്പിച്ചു.വാഹനങ്ങള്ക്ക് കാര്യമായ കേടുപാടുകളോ പരിക്കുകകളോ ഇല്ലാത്ത അപകടങ്ങളുണ്ടായാല് അപകടത്തില്പ്പെട്ട വാഹനങ്ങളുടെ ചിത്രങ്ങളെടുത്ത് ആഭ്യന്തര മന്ത്രാലയത്തിന്റെ മെട്രാഷ്-2 (Metrash 2) ആപ്പില് അപ്ലോഡ് ചെയ്താല് മതിയാകും. നേരത്തെയും അധികൃതര് ഇക്കാര്യം ഓര്മിപ്പിച്ചിരുന്നു.
ചെറിയ ട്രാഫിക് അപകടങ്ങളുടെ ഓണ്ലൈന് റിപ്പോര്ട്ടുകള് ഫയല് ചെയ്യാനും രണ്ട് വാഹനങ്ങള്ക്കും സംഭവിച്ച കേടുപാടുകളുടെ ചിത്രങ്ങള് അപ്ലോഡ് ചെയ്യാനും ആപ്പിലൂടെ സാധിക്കും. Metrash 2 ആപ്പ് ലോഗിന് ചെയ്താല് ട്രാഫിക് ആക്സിഡന്റില് ക്ലിക്ക് ചെയ്ത് അപകടവുമായി ബന്ധപ്പെട്ട വിവരങ്ങള് അപ്ലോഡ് ചെയ്യാവുന്നതാണ്.