June 20, 2023
June 20, 2023
ന്യൂസ്‌റൂം ബ്യുറോ
ദോഹ :വിസ കച്ചവടം ലക്ഷ്യമാക്കി വ്യാജകമ്പനികൾ ഉണ്ടാക്കി ഇടപാടുകൾ നടത്തിയിരുന്ന ഒൻപത് പേരെ ഖത്തറിൽ അറസ്റ്റ് ചെയ്തു. ആഭ്യന്തര മന്ത്രാലയത്തിന്റെ (MoI) സെർച്ച് ആൻഡ് ഫോളോ-അപ്പ് വിഭാഗം നടത്തിയ പരിശോധനയിലാണ് ഇവർ പിടിയിലായത്.പ്രതികൾ.അറബ്,ഏഷ്യൻ വംശജരാണെന്നും ആഭ്യന്തര മന്ത്രാലയം അറിയിച്ചു.
പബ്ലിക് പ്രോസിക്യൂഷന്റെ അനുമതിയോടെ, സോഷ്യൽ മീഡിയ പ്ലാറ്റ്‌ഫോമുകളിലും നിർദ്ദിഷ്ട ഡോക്യുമെന്റ് ക്ലിയറൻസ് ഓഫീസുകൾ വഴിയും അനധികൃത പ്രവർത്തനങ്ങൾ നിരീക്ഷിച്ച ശേഷമാണ് പ്രതികളെ അറസ്റ്റ് ചെയ്തത്. തുടർന്ന് ഇവരുടെ വീടുകളിലും ജോലിസ്ഥലങ്ങളിലും നടത്തിയ പരിശോധനയിൽ 190,000 ഖത്തർ റിയാലും വ്യാജ കമ്പനി രേഖകൾ, വാടക കരാറുകൾ, ഖത്തർ പൗരന്മാരുടെ ഐഡി കാർഡുകൾ, പ്രീപെയ്ഡ് ബാങ്ക് കാർഡുകൾ, പ്രവാസി തൊഴിലാളികളുടെ ബാങ്ക് കാർഡുകൾ എന്നിവ പിടിച്ചെടുത്തു..
ആവശ്യമായ നിയമനടപടികൾക്കായി പ്രതികളെ പബ്ലിക് പ്രോസിക്യൂഷന് കൈമാറിയതായും ആഭ്യന്തര മന്ത്രാലയം അറിയിച്ചു.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
