April 03, 2024
April 03, 2024
ദോഹ: ഖത്തറിൽ രണ്ടാം ഹമീം എന്നറിയപ്പെടുന്ന മുഖദ്ദം നക്ഷത്രം ഉദിച്ചതോടെ രാജ്യത്ത് താപനില ഉയരുമെന്ന് പ്രതീക്ഷിക്കുന്നതായി കാലാവസ്ഥാ വകുപ്പ് അറിയിച്ചു. നക്ഷത്രത്തിന്റെ ഉദയം 13 ദിവസം നീണ്ടുനില്ക്കും. ആ സമയത്ത്, വടക്കുപടിഞ്ഞാറന് കാറ്റ് ശക്തി പ്രാപിക്കുമെന്നും അധികൃതർ മുന്നറിയിപ്പ് നൽകി. കാലാവസ്ഥയില് പെട്ടെന്നുള്ള മാറ്റങ്ങള് സംഭവിക്കാനും സാധ്യതയുണ്ട്.
ഈ കാലയളവില് ക്യുമുലസ് മേഘങ്ങള് രൂപം കൊള്ളുകയും ഇടയ്ക്കിടെ ഇടിയും മഴയും മണല്ക്കാറ്റും ഉണ്ടാകാനുള്ള സാധ്യതയുമുണ്ട്. ഇന്ന് (ബുധൻ) കാലാവസ്ഥ ഭാഗികമായി മേഘാവൃതമായിരിക്കുമെന്നും രാജ്യത്തിന്റെ തെക്ക് ഭാഗങ്ങളില് ചിലയിടങ്ങളില് ഇടിയോട് കൂടിയ മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F