October 16, 2023
October 16, 2023
ദോഹ: ഖത്തറിൽ മഴയും തണുത്ത താപനിലയും പ്രതീക്ഷിക്കുന്നതായി ഖത്തർ കാലാവസ്ഥാ വകുപ്പ് അറിയിച്ചു. ഇന്ന് (ഒക്ടോബർ 16) മുതൽ അൽ വാസ്മി സീസൺ ആരംഭിക്കും. ഡിസംബർ 6 വരെ സീസൺ നീണ്ടുനിൽക്കുമെന്നും കാലാവസ്ഥാ വകുപ്പ് വ്യക്തമാക്കി.
വൈകുന്നേരങ്ങളിൽ തണുപ്പും വടക്കുപടിഞ്ഞാറൻ മേഖലകളിൽ കാറ്റും ഉണ്ടാകും. എന്നിരുന്നാലും പകൽ സമയം ചൂട് നിലനിൽക്കും.
കൂടാതെ, ഇന്ന് നാലാമത്തെ ശരത്കാല നക്ഷത്രമായ അൽ ഉവായും കാണാൻ കഴിയും. അടുത്ത 13 ദിവസത്തേക്ക് നക്ഷത്രം ആകാശത്ത് തുടരുമെന്നാണ് പ്രതീക്ഷിക്കുന്നത്.
അതേസമയം, സൗദിയിലും കാലാവസ്ഥ തണുപ്പിലേക്ക് മാറുകയാണ്. മധ്യ, കിഴക്കൻ പ്രവിശ്യകളിലെ മിക്ക പ്രദേശങ്ങളിലും രാത്രിയിൽ താപനില ഗണ്യമായി കുറയുമെന്ന് പ്രമുഖ കാലാവസ്ഥ നിരീക്ഷകൻ അബ്ദുൽ അസീസ് അൽഹുസൈനി വ്യക്തമാക്കി. മധ്യ, കിഴക്കൻ മേഖലകളിൽ മൂന്ന് മുതൽ അഞ്ച് ഡിഗ്രി സെൽഷ്യസ് വരെയാണ് താപനില കുറയുന്നതെന്നും അദ്ദേഹം പറഞ്ഞു. പകൽ ചൂടുള്ളതായിരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU