November 02, 2023
November 02, 2023
ദോഹ: ഖത്തറില് വിവിധയിടങ്ങളില് ശക്തമായ മഴ. മഴയില് മിക്കയിടങ്ങളിലും വെള്ളക്കെട്ട് രൂപപ്പെട്ടു. ടണലുകളില് ഉള്പ്പെടെ വെള്ളക്കെട്ട് രൂപപ്പെട്ടതായാണ് റിപ്പോര്ട്ട്. മിക്കയിടങ്ങളിലും ഗതാഗത തടസ്സമുണ്ടായി.
അതേസമയം കനത്ത മഴ തുടരുന്നതിനാല് ആഭ്യന്തര മന്ത്രാലയം ഫോണുകളില് എമര്ജന്സി അലര്ട്ട് നല്കി. അപകടങ്ങള് ഒഴിവാക്കാന് വാഹനമോടിക്കുന്നവര് ജാഗ്രത പാലിക്കണമെന്നാണ് മുന്നറിയിപ്പ്. ആഭ്യന്തര മന്ത്രാലയത്തിലെ നാഷണല് കമാന്റ് സെന്ററാണ് ഫോണുകളില് ഉയര്ന്ന ശബ്ദത്തോടെയുള്ള അടിയന്തര സന്ദേശമയച്ചത്.
അതേസമയം ഒക്ടോബർ 26ന് പെയ്ത കനത്ത മഴയിൽ ഖത്തറിലെ ചില മാളുകളിലടക്കം വെള്ളം കയറിയ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചിരുന്നു. ഇതിൻ്റെ പശ്ചാത്തലത്തിലാണ് ആഭ്യന്തര വകുപ്പ് എല്ലാവരുടേയും ഫോണുകളിൽ അടിയന്തര സന്ദേശം അയച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F