December 21, 2023
December 21, 2023
ദോഹ: ഖത്തറിന്റെ മധ്യസ്ഥതയിൽ 10 അമേരിക്കൻ തടവുകാരെ കൂടി ബൊളിവേറിയൻ റിപ്പബ്ലിക് ഓഫ് വെനസ്വേല മോചിപ്പിച്ചതായി ഖത്തർ വിദേശകാര്യ മന്ത്രാലയം അറിയിച്ചു. ഇരു രാജ്യങ്ങളും തമ്മിൽ നിരവധി മധ്യസ്ഥ ചർച്ചകൾ നടത്തിയതിന് ശേഷമാണ് തടവുകാരെ മോചിപ്പിച്ചതെന്നും, മധ്യസ്ഥ ശ്രമവുമായി സഹകരിച്ച യു.എസ്, വെനസ്വേല രാജ്യങ്ങള്‍ക്ക് നന്ദി അറിയിക്കുന്നതായും ഖത്തര്‍ വിദേശകാര്യ മന്ത്രാലയം പ്രസ്താവനയിലൂടെ അറിയിച്ചു.
ഇത്തരം മധ്യസ്ഥ ശ്രമങ്ങളിലൂടെ പ്രാദേശിക, അന്തർദേശീയ തലങ്ങളിൽ വിശ്വസനീയ പങ്കാളിയെന്ന നിലയിൽ ഖത്തറിന്റെ സ്ഥാനം ആവർത്തിച്ച് ഉറപ്പിക്കുന്നുവെന്നും സമാധാനം സ്ഥാപിക്കുന്നതിലും സുരക്ഷ വർധിപ്പിക്കുന്നതിലും ഖത്തറിന്റെ ഫലപ്രദമായ പങ്ക് പ്രതിഫലിപ്പിക്കുന്നുവെന്നും വിദേശകാര്യ മന്ത്രാലയത്തിലെ സഹമന്ത്രി ഊന്നിപ്പറഞ്ഞു.
അതേസമയം, ഖത്തറിന്റെ മധ്യസ്ഥതയില്‍ ഡിസംബർ 6നും റഷ്യന്‍ പിടിയിലായിരുന്ന നാല് യുക്രൈന്‍ കുട്ടികളെ മോചിപ്പിച്ചിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
