February 26, 2024
February 26, 2024
ദോഹ: ഫോബ്‌സ് മാഗസിന്റെ 2024ലെ മിഡിൽ ഈസ്റ്റിലെ ഏറ്റവും ശക്തരായ 100 ബിസിനസ് വനിതകളുടെ പട്ടികയിൽ രണ്ട് ഖത്തറി വനിതകളും ഇടം പിടിച്ചു. ഫോബ്‌സ് പട്ടികയിൽ ക്യു.എൻ.ബി ക്യാപിറ്റൽ സി.ഇ.ഒയും ബോർഡ് അംഗവുമായ മിറ അൽ അതിയ്യ പട്ടികയിൽ 68ാം സ്ഥാനത്തും, അൽ ഫാലിഹ് എജുക്കേഷൻ ഹോൾഡിങ് സി.ഇ.ഒ ശൈഖ അൻവർ ബിൻത് നവാഫ് അൽ താനി 74ാമത് സ്ഥാനത്തും ഇടം നേടി.
2014ൽ അൽ അതിയ്യ ക്യു.എൻ.ബി ക്യാപിറ്റൽ സി.ഇ.ഒ സ്ഥാനം ഏറ്റെടുത്തതിന് ശേഷം ഖത്തറി സാമ്പത്തിക മേഖലയിൽ അവർ വഹിച്ച പങ്ക് ഫോബ്‌സ് മാഗസിൻ ചൂണ്ടിക്കാട്ടി. ശൈഖ അൻവർ ബിൻത് അൽ താനിക്ക് കീഴിൽ പ്രവർത്തിക്കുന്ന അൽ ഫാലിഹ് എജുക്കേഷൻ ഹോൾഡിങ്ങിന് സ്‌റ്റോക്ക് മാർക്കറ്റിൽ ലിസ്റ്റ് ചെയ്യുന്ന ആദ്യ ഖത്തറി വിദ്യാഭ്യാസ സ്ഥാപനമാണ്. വനിതകളുടെ നേതൃത്വത്തിലുള്ള ആദ്യ ഖത്തറി പബ്ലിക് ഷെയർ ഹോൾഡിങ് കമ്പനി എന്ന സവിഷേശതയും ഇതിനുണ്ട്.
അതേസമയം, മൈക്രോസോഫ്റ്റ് ഖത്തറിന്റെ ജനറൽ മാനേജർ ലാന ഖലഫ് പട്ടികയിൽ 60ാമതും, കമേഴ്‌സ്യൽ ബാങ്ക് സി.ഇ.ഒയും എക്‌സിക്യൂട്ടിവ് ജനറൽ മാനേജറുമായ ലിയോണി റൂത്ത് ലെത്ത് ബ്രിജ് 70ാമതും, സിദ്‌റ മെഡിസിൻ സി.ഇ.ഒ ഇയാബോ ടിനുബു-കാർച് 87മത് സ്ഥാനങ്ങളും കരസ്ഥമാക്കി. ഒറാക്ക്ൾ ഖത്തർ എം.ഡി ലല്ലാ ഹനാനെ ഡ്രിസീ പട്ടികയിൽ 94ാമത് സ്ഥാനത്താണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
