October 14, 2023
October 14, 2023
ദോഹ: ഗസ മുനമ്പില് ഇസ്രായേല് ബോംബാക്രമണം തുടര്ന്നാല് വിവിധ രാജ്യങ്ങള്ക്കുള്ള പ്രകൃതിവാതക വിതരണം ഖത്തര് വെട്ടിക്കുറയ്ക്കുമെന്ന വ്യാജ വാര്ത്ത പ്രചരിപ്പിച്ച എക്സ് അക്കൗണ്ട് സസ്പെന്ഡ് ചെയ്തു. 'ഖത്തര് അഫയേഴ്സ്' (qattar affairs) എന്ന എക്സ് (ട്വിറ്റര്) അക്കൗണ്ടാണ് സസ്പെന്റ് ചെയ്തത്. 'ഖത്തര് മീഡിയകള് നിങ്ങളെ കാണിക്കാത്തത് ' എന്ന ശീര്ഷകത്തിലാണ് തെറ്റിദ്ധരിപ്പിക്കുന്ന വാര്ത്ത ഖത്തര് അഫയേഴ്സ്' പുറത്തുവിട്ടത്.
'ഖത്തറിനെ നിഷേധാത്മകമായി ചിത്രീകരിക്കാന് ഉപയോഗിക്കുന്ന അക്കൗണ്ടാണ് ഖത്തര് അഫയേഴ്സ്. ഇത് നിയമാനുസൃതമായ വാര്ത്താ അക്കൗണ്ടല്ല. ഒറിജിനലാണെന്ന് തെറ്റിദ്ധരിപ്പിക്കുന്ന തരത്തില് രൂപകല്പ്പന ചെയ്തിട്ടുള്ള ഈ അക്കൗണ്ട്, പല തെറ്റായ വിവരങ്ങളും നല്കുന്നുണ്ട്,' എന്ന് ഖത്തറിലെ ഹമദ് ബിന് ഖലീഫ സര്വകലാശാലയിലെ അസോസിയേറ്റ് പ്രൊഫസര് മാര്ക്ക് ഓവന് ജോണ്സ് കഴിഞ്ഞ ദിവസം പറഞ്ഞിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU